හිටපු ජනාධිපති ගෝඨාභය රාජපක්ෂ මහතා නැවතත් දේශපාලනයට පිවිසීම සූදානම් වන බවට තොරතුරු වාර්තා වනවා.
හිටපු ජනාධිපති ගෝඨාභය රාජපක්ෂ මහතා ඊයේ (11) සිය දේශපාලන ප්‍රවේශය පිළිබඳ නිවේදනය කළ දිලිත් ජයවීර මහතාගේ මව්බිම ජනතා පක්ෂය සමග සක්‍රීයව එක්වී යළි දේශපාලන කරලියට පැමිණීමට සැරසෙන බව ඩේලි මිරර් වාර්තා කරනවා.
දිලිත් ජයවීර පක්ෂය භාර ගැනීමෙන් පසු මව්බිම ජනතා පක්ෂය සිය ව්‍යවස්ථාව වෙනස් කර නව නිලධාරී මණ්ඩලය තෝරා පත් කර ගත් බව මැතිවරණ කොමිසමේ ආරංචි මාර්ග සඳහන් කරනවා.
තවද ගෝඨාභය රාජපක්ෂගේ වියත්මග වැනි උත්සාහයක් සහිතව උගත් සහ විද්වත් පිරිස් පක්ෂයට එක් කරගැනීමේ මෙහෙයුමක් දිලිත් ජයවීර විසින් දියත් කර ඇති බව ද ඩේලි මිරර් වාර්තාවේ දැක්වෙනවා.
එම වාර්තාවේ දැක්වෙන්නේ ලබන වසරේ පැවැත්වෙන ජනාධිපතිවරණයට රට සූදානම් වෙද්දී දිලිත් ජයවීරගේ නායකත්වයෙන් යුත් මව්බිම ජනතා පක්ෂයට ගෝඨාභය රාජපක්ෂ සිය ආශිර්වාදය සහ පූර්ණ සහාය පළ කරනු ඇති බවයි.
