ශ්‍රී ලංකාවේ පැවති යුද්ධයේ අවසන් අදියරේ දී සිදුවී ඇතැයි පැවසෙන යුද අපරාධ හෝ මානව හිමිකම් කඩ කිරීම් සම්බන්ධයෙන් සොයා බැලීම සඳහා ජනාධිපති ගෝඨාභය රාජපක්ෂ විසින් පත් කරනු ලැබ ඇති නව ස්වාධීන කොමිසම කූට විහි`ඵවක් යැයි ගෝලීය දෙමළ සංසදය පවසයි.
යුද්ධය අවසන් වූ දා පටන් මේ දක්වා අඩු තරමින් කොමිසම් තුනක්වත් පත් කර ඇති නමුත් මානව හිමිකම් කවුන්සිලය හඳුනාගෙන ඇති ප්‍රධාන කාරනා ආමන්ත්‍රණය කිරීමකින් තොරව තමන්ගේම නිර්දේශ නැවත සමාලෝචනය කිරීමට කටයුතු කිරීම හාස්‍යජනක කරුණක් යැයි ගෝලීය දෙමළ සංසදයේ ප්‍රකාශක සුරේන් සුරන්දිරන් බී.බී.සී සිංහල සේවයට පවසා ඇත.
කොමිසමක් ලෙසින් හඳුන්වන එවැනි හාස්‍යජනක කූට දෙයක් රටවල් ඒකරාශි වී පිහිටුවාගත් යුක්තිගරුක ආයතනයක් නොපිළිගනු ඇතැයි පවසා ඇති හෙතෙම යුද අපරාධ යැයි චෝදනා එල්ල වී ඇති ඇතැම් ක්‍රියා සඳහා අණදීමේ වගකීම් වත්මන් ජනාධිපතිවරයා සහ අගමැතිවරයා මත එවකට පැවරී තිබියදී වින්දිතයන් ඔවුන්ගෙන්ම යුක්තිය බලාපොරොත්තු වෙන්නේ කෙසේදැයි ප්‍රශ්න කර ඇත.
ශ්‍රී ලංකාවේ බහුතර ජනතාව යුක්තිගරුක බැවින් රටේ සෑම මිනිසෙකුටම සාක්ෂි සහිතව සත්‍යය පැවසිය යුතු යැයි ද එකිනෙකාට ගරු කරන සාමකාමී සමාජයක් බිහිකළ හැක්කේ එමගින් පමණකැයි ද සුරෙන්දිරන් මහතා පවසා ඇත.
