ලොව ඇති රටවල් 199 හි විදේශ ගමන් බලපත්‍ර ශ්‍රේණිගත කරන හෙන්ලේ දර්ශකය අනුව, ඇෆ්ගනිස්තානය අවසන් ස්ථානයටත් පාකිස්තානය ලොව සිව්වන නරකම ස්ථානයටත් පත්ව තිබේ.
අලුතින් එළිදක්වන ලද ශ්‍රේණිගත කිරීම අනුව, අවසන් ස්ථාන හතරේ රැදී සිටින්නේ පකිස්තානය , සිරියාව, ඉරාකය සහ ඇෆ්ගනිස්ථානය බව ඩෝන් වාර්තාවක දැක්වේ.
ඇෆ්ගන් විදේශ ගමන් බලපත්‍ර හිමියන්ට ප්‍රවේශ විය හැක්කේ ගමනාන්ත 27කට පමණි.
අනෙකුත් පහළ මට්ටමේ රටවල් අතර, ඉරාක විදේශ ගමන් බලපත්‍ර දරන්නන්ට රටවල් 29කට සහ සිරියානු විදේශ ගමන් බලපත්‍ර ඇති රටවල් 30කට ප්‍රවේශ විය හැකිය.
2022 සඳහා වන හෙන්ලේ විදේශ ගමන් බලපත්‍ර දර්ශකයට අනුව පකිස්තාන විදේශ ගමන් බලපත්‍රය, ගමනාන්ත 32කට පමණක් ප්‍රවේශය ලබා දෙමින් එම ශ්‍රේණිගත කිරීම්වල 4වැනි ස්ථානයේ තබා තිබේ.
ලොව හොදම විදෙස් ගමන් බලපත්‍රය හිමි රට වන්නේ ජපානය වන අතර ජපන් රටේ විදේශ ගමන් බලපත්‍රය මගින් එහි හිමිකරුට ගමනාන්ත 193කට ප්‍රවේශය ලබා දෙයි.
