2024 දී තනිව කාන්තාවකට සංචාරය කළ හැකි ලොව හොඳම ස්ථානය ලෙස ශ්රී ලංකාව ශ්රේණිගත කර තිබෙනවා.
ඒ, ජාත්යන්තරව පිළිගත් ටයිම් අවුට් (Time out) සඟරාව විසින්.
එම සඟරාව පෙන්වා දෙන්නේ ත්රාසජනක සංචාරයක් අපේක්ෂා කරන කාන්තාවන්ට සාපේක්ෂව ආරක්ෂිත සහ පහසුවෙන් ගමන් කිරීමට හැකි ලොව රටවල් කිහිපය අතරට ශ්රී ලංකාවද අයත් වන බවයි.
ඒ අනුව පහසු ගමනාගමනය, මිත්රශීලී ජනතාව හමුවීමට ඇති අවස්ථාව යන කරුණු සැලකිල්ලට ගනිමින් 2024 දී තනිව කාන්තාවකට සංචාරය කළ හැකි ලොව හොඳම ගමනාන්ත නවයක් ප්රකාශයට පත් කර තිබෙනවා.
ඒ, ආරක්ෂිතව සිටිය යුතු ආකාරය පිළිබඳ උපදෙස් ද සමගයි.
ආවේණික වූ චමත්කාරයකින් යුක්ත වන ශ්රී ලංකාව දකුණු ආසියාවේ සංචාරයට කැමති කාන්තා සංචාරකයින් සඳහා හොඳම පළමු නැවතුම බව ටයිම් අවුට් සඟරාව පවසනවා.
ෙදඹුල්ල සහ සීගිරිය වැනි ස්ථාන ගවේෂණය කිරීමටත් නුවරඑළියේ තේ වතු නැරඹීමටත්, ආරුගම් බොක්ක, මිරිස්ස සහ හික්කඩුව වැනි වෙරළ තීරයන් හි නවාතැන් මෙන්ම සර්ෆින් සහ රසවත් දේශීය ආහාර යන විශේෂතා ශ්රී ලංකාව අංක 01ට නම් කිරීමට පාදක කරගෙන තිබෙනවා.
2024 දී තනිව කාන්තාවකට සංචාරය කළ හැකි ලොව හොඳම ස්ථාන අතර දෙවන ස්ථානය පෘතුගාලයට හිමිව ඇති අතර තුන් වන ස්ථානය හිමිව ඇත්තේ චෙක් ජනරජයටයි.
ජපානය සිව් වන ස්ථානයටත් ගෝතමාලාව පස් වන ස්ථානයටත් නම් කර තිබෙනවා.
වියට්නාමය, ඕස්ටේ්රලියාව, ග්රීසිය සහ නවසීලන්තය සෙසු රටවල් අතරට අයත්.
