27 C
Colombo
Saturday, May 25, 2024

මෙරටින් හමුවූ ඉන්දීය කොවිඩ් ප්‍රභේදය ගැන තොරතුරු මෙන්න

- Advertisement -

ඉන්දියාවේ සිඝ්‍රයෙන් ව්‍යාප්ත වන B.1.617.2 හෙවත් ඩෙල්ටා කොවිඩ් වෛරස ප්‍රභේදය ආසාදනය වූ ආසාදිතයින් 05 දෙනෙකු කොළඹ, දෙමටගොඩ ප්‍රදේශයෙන් හමුවූ බව ශ්‍රී ජයවර්ධනපුර විශ්ව විද්‍යාලයේ ආසාත්මිකතා හා ප්‍රතිශක්ති විද්‍යාව සහ ශෛල ජෛව විද්‍යාතනයේ අධ්‍යක්ෂ වෛද්‍ය ආචාර්ය චන්දිම ජීවන්දර මහතා පවසනවා.

B 117 ප්‍රභේදයට වඩා අතිශය බරපතළ හානි ගෙනදෙන බවත් එය දෙගුණයක වේගයකින් ව්‍යාප්ත වන බවත් පැවසෙනවා.

දෙමටගොඩ, ආරාමය පෙදෙසේ වාර්තා වූ කොවිඩ් ආසාදිත පුද්ගලයින් 09 දෙනෙකුගේ ජෛව සාම්පල් පරීක්ෂණ සිදුකළ බවත් ඉන් ආසාදිතයින් 05 දෙනෙකුට ඉන්දියාවේ සිඝ්‍රයෙන් ව්‍යාප්ත වන මෙම B.1.617.2 හෙවත් ඩෙල්ටා කොවිඩ් ප්‍රභේදය ආසාදනයවී ඇති බවට අනාවරණය වී තිබෙනවා.

මිට අමතරව කොළඹ නගරසභා බලප්‍රදේශයේ කොළඹ 6,8 සහ 10 යන ප්‍රදේශවලින්ද, කරාපිටිය සහ මඩකලපුව ප්‍රදේශයේ සිදුකළ ජෛ සාම්පල් පරික්ෂණ මගින් ඇල්ෆා කොවිඩ් ප්‍රභේදය ආසාදනය වූ ආසාදිතයින් හඳුනා ගත් බවයි ශ්‍රී ජයවර්ධනපුර විශ්ව විද්‍යාලයේ ආසාත්මිකතා හා ප්‍රතිශක්ති විද්‍යාව සහ ශෛල ජෛව විද්‍යාතනයේ අධ්‍යක්ෂ වෛද්‍ය ආචාර්ය චන්දිම ජීවන්දර වැඩිදුරටත් පැවසුවේ.

මේ වනවිට ලංකාවෙන් හමුවන ආසාදිත සංඛ්‍යාව ක්‍රමයෙන් වැඩි අගයක් ගන්නා බැවින්, ජාන විශ්ලේෂණ පරීක්‍ෂණවල ධාරිතාව වැඩි කරමින් පවතින බව පවසන, ආචාර්ය ජීවන්දර, ඒ තුළින් මෙරට කොරෝනා වයිරසයේ නව විකෘතිතා අතිවනවාද නව ප්‍රභේද ලංකාව තුළින් හමුවනවාද යන කරුණු පිළිබඳව සොයා ගැනීමට හැකිවන බවද පවසා සිටිනවා.

ඉන්දියාවේ තරුණ ප්‍රජාවද ගොදුරු බවට පත් කර ගනිමින් මේ වනවිට B.1.617.2 කොවිඩ් වෛරස ප්‍රභේදය ආක්‍රමණශීලිව ඉන්දියාවේද ව්‍යාප්ත වෙමින් පවතියි. කෙසේ නමුත් දැනට භාවිතයේ පවතින කොවිඩ් එන්නත් මෙම ප්‍රභේදයට එරෙහිවත් සාර්ථක බවයි පැවසෙන්නේ

මේ අතර, මේ වන විට ලොව පුරා සීග්‍රයෙන් පැතිර යන ඉන්දීය කොරෝනා ප්‍රභේදය වන ඩෙල්ටා (B1.6.617.2) ප්‍රභේදයේ නව විකෘති ප්‍රභේදයක් ඇති බව ඉන්දීය මාධ්‍ය වාර්තා කරනවා.


ඩෙල්ටා ප්‍රභේදයටත් වඩා වේගයෙන් පැතිර යන බව පැවසෙන මෙම ප්‍රභේදය නම් කර ඇත්තේ AY.1 හෙවත් ඩෙල්ටා ප්ලස් නමින්.

දැනට මෙම ප්‍රභේදයේ රෝගීන් 63 දෙනෙකු ලොව පුරා හඳුනාගෙන ඇති අතර ජුනි 11 වැනි දින ඉන්දියාව විසින් නිකුත් කල කොවිඩ් වාර්තාවේ මෙම නව ප්‍රභේදය ආසාධනය වූ රෝගීන් 6 දෙනෙකු එරටින් වාර්තා වී තිබුනා.

මෙම ප්‍රභේදය දැනට පවතින කොවිඩ් මර්ධන එන්නත් කෙරෙහි යහපත් ප්‍රතිචාර නොදක්වනු ඇති බවට සෞඛ්‍ය බලධාරීන් බිය පල කරනවා.

RECENT ARTICLES - SINHALA

අල්ලපු ගෙදරින් විදුලිය ගන්න ගිය පුද්ගලයෙක් මරුට

තම නිවසේ විදුලිය විසන්ධි විම නිසා යාබද නිවසකින් විදුලිය ලබා ගැනිමට ගිය පුද්ගලයෙකු විදුලි සැර වැදි අද (24) පස්වරුවේ මියගොස් ඇතැයි හිනිදුම පොලිසිය පවසනවා. මෙසේ...

දියතලාව – හපුතලේ මාර්ගය වැසේ

ගස් කඩා වැටීමේ අවදානම හේතුවෙන් දියතලාව – හපුතලේ මාර්ගය අද (24) රාත්‍රීයේ වසා දැමීමට තීරණය කර ඇති බව ආපදා කළමනාකරණ මධ්‍යස්ථානය සඳහන් කරනවා. ඒ අනුව,...

අල්ලස් ගත් විදුහල්පතිවරයෙක් අත්අඩංගුවට

දරුවන්ගේ උදෑසන ආහාර වේල සැපයීමේ කටයුත්ත කරගෙන යෑම සඳහා ආහාර වේල සැපයීමේ ටෙන්ඩරය ලබාගත් කාන්තාවගෙන් රුපියල් විදුහල්පති රුපියල් 30,000ක අල්ලසක් ලබාගන්නා අවස්ථාවේදී අල්ලස් කොමිසමේ...

POPULAR ARTICLES

පොලිස් කාන්තාවගේ වීඩියෝ එක ගැන පොලීසියෙන් ප්‍රකාශයක්

ලියාපදිංචි සහිතකය නොමැතිව මධ්‍යම පළාතේ පුද්ගලයෙකු හට අයිති වාහනයක් සබරගමුව පළාත තුළ ධාවනය කළ රියදුරෙකුට පොලිස් කාන්තාවක් දඩයක් නියම කරන අයුරු දැක්වෙන වීඩියෝවක් මේ...

පාසල් නිවාඩුව ගැන විශේෂ නිවේදනයක්

දිවයිනේ සියලුම පාසල්වලට හෙට (22) දින නිවාඩු දෙන බව සමාජ මාධ්‍ය ජාල හරහා ප්‍රචාරය වන නිවේදනය අසත්‍ය බව අධ්‍යාපන අමාත්‍යාංශය දැනුම් දෙනවා. අධ්‍යාපන අමාත්‍යංශය නිවේදනය...

වාහන ආනයනය ගැන සුබ ආරංචියක්

රටේ අවශ්‍යතාවය පරිදි ඉදිරියේදී වාහන ආනයනය කිරීමට සූදානම් බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා. රාජ්‍ය අමාත්‍යවරයා මාධ්‍ය වෙත අදහස් දක්වමින් පවසා සිටියේ, වාහන...