බිත්තර තොග අද (22) දිනයෙත් වෙළෙඳපොලට නිකුත් නොකරන බව සමස්ත ලංකා කුකුළු ව්‍යාපාරිකයින්ගේ සංගමය පවසනවා.
අද පැවැත්වෙන සාකච්ඡාවේදී පවතින දුෂ්කරතා පිළිබඳව අමාත්‍යවරයාගේ අවධානයට යොමුකරන කරන බවයි එහි සභාපති අජිත් ගුණසේකර පැවසුවේ.
පසුගිය සිකුරාදා මධ්‍යම රාත්‍රියේ සිට ක්‍රියාත්මක වන පරිදි සුදු බිත්තරයක් සඳහා රුපියල් 43 ක උපරිම සිල්ලර මිලක් නියම කරමින් අතිවිශේෂ ගැසට් නිවේදනයක් නිකුත් කරනු ලැබුවා.
ඒ අනුව දුඹුරු හා රතු පැහැති කුකුළු බිත්තරයක උපරිම සිල්ලර මිල රුපියල් 45 කි.
මේ අතර , කුකුළු ව්‍යාපාරිකයින්ගේ සංගමය සහ වෙළෙඳ අමාත්‍ය නලින් ප්‍රනාන්දු මහතා අතර හමුවක් අද(22) පැවැත්වෙනවා.
ඒ, වෙළඳ, වාණිජ හා ආහාර සුරක්ෂිතතා අමාත්‍යාංශයේදී ය.
කුකුළු ව්‍යාපාරිකයින්ගේ සංගමය කළ ඉල්ලීමකට අනුව එම සාකච්ඡාව පැවැත්වෙන බවයි, වෙළෙඳ අමාත්‍යවරයා පවසන්නේ.
තවද, පාලන මිල ඉක්මවා cඅලෙවි කරන ව්‍යාපාරිකයින් සොයා අද (22) සිට වැටලීම් ක්‍රියාත්මක බවත් වෙළෙඳ හා පාරිභෝගික සුරක්ෂිතතා අමාත්‍ය නලින් ප්‍රනාන්දු මහතා පවසනවා.
අමාත්‍යවරයා සඳහන් කළේ, තොග සන්තකයේ තබාගෙන වෙළෙඳපොළට නිකුත් නොකරන ව්‍යාපාරිකයින්ගේ නිෂ්පාදන රාජසන්තක කිරීමට හැකියාව පවතින බවයි.
