ශ්රී ලංකාව පිහිටි ඉන්දු – ඕස්ට්රේලියානු භූ තල මායිම ආශ්රිතව ඉදිරියේදී තවත් විශාල භූ කම්පන සිදුවිය හැකි බව පේරාදෙණිය විශ්ව විද්යාලයේ භූ ගර්භ විද්යා දෙපාර්තමේන්තුවේ හිටපු ජ්යෙෂ්ඨ මහාචාර්ය අතුල සේනාරත්න මහතා සඳහන් කරනවා.
ශ්රී ලංකාව පිහිටා තිබෙන ඉන්දු – ඕස්ට්රේලියානු තලය මේ වනවිට භූ තල දෙකක් වශයෙන් දෙකඩ වෙමින් පවතින නිසා පෘථිවිය අභ්යන්තරයේ සිදුවන වෙනස්වීම් භූ කම්පන වාර්තා වීම ඉහළයෑමට හේතු වී තිබෙන බව මහචාර්යවරයා තව දුරටත් ප්රකාශ කළා
මඩකලපුවට ඔබ්බෙන් කිලෝමීටර් තුන්සිය දහයක් (310)ක් දුරින් ඊයේ(11) අලුයම 1.30ට පමණ සිදුවූ භූ කම්පනය හේතුවෙන් අවදානමක් මතු නොවුණත් නැගෙනහිර වෙරළාසන්නයේ මෙවැනි කම්පන සිදුවුවොත් සුනාමි අවදානම් මතුවිය හැකි බවද සඳහන් කරනවා.
රික්ටර් දර්ශක 4.65ක අගයකින් යුතුව ඊයේ මඩකලපුවට ඔබ්බෙන් සිදුවූ භූ කම්පනයේ බලපෑම සම්බන්ධයෙන් කළ විමසුමට අදහස් දක්වමින් මහාචාර්ය අතුල සේනාරත්න මහතා මේ බව පවසා සිටියා.
පළමු භූ කම්පනය වාර්තා වී ගෙවී ගිය මුල් පැය දහය තුළදී ඉන්දු-ඕස්ට්රේලියානු භූ තලයේ මෙන්ම ඉන්දුනීසියාව හා ජපානය අතර භූ තලයේ භූ කම්පන 08 ක් සිදුව තිබෙන බවත් මෙම කම්පන සියල්ල රික්ටර් දර්ශක අගය 04 ඉක්මවූ ඒවා බවත් මහාචාර්යවරයා සඳහන් කළා.