50 හැවිරිදි හින්දු ජාතිකයෙකු වන අම්ලාක් බීල් මුස්ලිම් තරුණයින් පිරිසක් විසින් සංගර් දිස්ත්රික්කයේ ෂහ්දාද්පූර්හිදී හිස ගසා දමා ඝාතනය කර ඇති බව පාකිස්තාන ප්රාදේශිය මාධ්ය වාර්තා කරයි.
සිය දියණිය අපයෝජනය කිරීමට විරෝධය පළ කිරීම නිසා ඔහුගේ හිස ගසා දමා ඇති බව මාධ්ය වාර්තා කළේය.
වින්දිතයාගේ ඥාතීන් දන්වා සිටියේ, මහ මගදී අසභ්ය වචනයෙන් බැණ වැදෙමින් තම දියණිය අපයෝජනය කළ තරුණයෙකුට එරෙහිව පොලිස් පැමිණිල්ලක් ගොනු කරන බවට මිය ගිය පුද්ගලයා තර්ජනය කර ඇති බවයි.
පොලිසියට පැමිණිල්ලක් ගොනු කර ඇතත් මෙතෙක් කිසිවකු අත්අඩංගුවට ගෙන නොමැත.
පසුගිය මාර්තු මාසයේදී පකිස්තාන හින්දු වෛද්යවරයකු වන ආචාර්ය බීර්බල් ජෙනානි සිය සායන කටයුතු අවසන් කර ආපසු නිවසට පැමිණෙමින් සිටියදී කරච්චියේ ලයාරි අසලදී ඝාතනයට ලක් විය.
මේ ආකාරයට පාකිස්තානය තුල සුලුතර ආගමික කණ්ඩායම් ඉලක්ක කරගත් ප්රචණ්ඩත්වය දිනෙන් දින ඉහළ යමින් පවතී.