සෑම වර්ෂයකදීම පකිස්තානයේ දරුදැරියන් දහසකට වඩා වැඩි පිරිසක් බලහත්කාරයෙන් ඉස්ලාම් ආගමට හරවා ගන්නා බවට එරට මානව හිමිකම් කොමිසම නිකුත් කළ නවතම වාර්තාවක සදහන් වේ.
එම කොමිසමෙි හිටපු සභාපතිවරයෙකු වන අමරනාත් මුතුමාල් සදහන් කර ඇත්තේ හින්දු සහ ක්‍රිස්තියානී දැරියන් පැහැරගෙන ගොස් ඉස්ලාම් ආගමට හැරවීම පකිස්තානයේ සුලබ සිදුවීමක් බවයි.
වාර්තාවලට ඇතුළත් කෙරෙන සංඛ්‍යාවන්ට වඩා බහුලව මෙවැනි පැහැරගෙනයාම් සහ බලහත්කාරයෙන් ආගම වෙනස් කිරීම් සමාජය තුළ පවතින බවත් ඒ අනුව මීට අදාළ සැබෑ දත්ත මීට වඩා වැඩි බවත් ඔහු සදහන් කර තිබේ.
මේ අතර පකිස්තාන ජාතික යුක්ති සහ සාම කොමිසම, පකිස්තාන හින්දු කවුන්සිලය වැනි සංවිධාන සදහන් කරන්නේ වාර්ෂිකව හින්දු සහ ක්‍රිස්තියානි කාන්තාවන් දහසක් පමණ බලහත්කාරයෙන් ඉස්ලාම් ආගමට හරවා ගන්නා බවයි.
මෙි සම්බන්ධයෙන් බාබා ෂික් අහමඩ් ෂෙයික් නම් ඉස්ලාම් පූජකවරයෙකු ප්‍රධාන වගකිවයුත්තෙකු බවට හදුනාගෙන තිබේ.
ඔහු 1989 සිට මෙි දක්වා හින්දු දැරියන් 110,000ක් පමණ බලහත්කාරයෙන් ඉස්ලාම් ආගමට හරවා ගැනීමට වගකිය යුතු බවට ද චෝදනා නැගී ඇත.
2016 වර්ෂයේ දී මෙවැනි බලහත්කාරයෙන් ආගම වෙනස් කිරීමට අදාළ නීතියක් පකිස්තාන පාර්ලිමේන්තුව විසින් සම්මත කර ඇතත් එය ක්‍රියාත්මකවීම බෙහෙවින් දුර්වල බව පකිස්තාන මානව හිමිකම් සංවිධාන සදහන් කරයි.
