පකිස්තානය තුළ පවතින ඉපැරැණි හින්දු සහ සීක් ආගමික ස්ථාන රැසක් විනාශ වීමෙි අනතුරැකට මුහුණ පා ඇතැයි එරට ශ්‍රේෂ්ඨාධිකරණයට ඉදිරිපත් වූ විශේෂ වාර්තාවක දැක්වේ.
අදාළ ආගමික ස්ථානවල තත්වය සහ ආරක්ෂාව පිලිබද සොයා බැලීම සදහා පකිස්තාන ශ්‍රේෂ්ඨාධිකරණය විසින් පත් කළ ආචාර්ය සොහීබ් සද්ල් කොමිසමෙි වාර්තාව මගින් මෙම තොරතුරු හෙළිදරව් කර තිබේ.
දැනට පකිස්තානය තුළ හින්දු සහ සීක් දේවස්ථාන 470 ක් පමණ පවතින අතර ඉන් 31 ක් පමණ තවමත් දෛනික වන්දනාමාන කටයුතුවලට ලක්වේ.
නිසි නඩත්තුවක් නොමැතිවීම සහ ඒවාට අයත් ඉඩම් බහුතර මුස්ලිම් ජාතිකයන් විසින් අත්පත් කර ගැනීම හේතුවෙන් අදාළ ආගමික ස්ථානවලින් විශාල සංඛ්‍යාවක් අනතුරැදායක තත්වයකට මුහුණ දී ඇති බව එම වාර්තාවේ දැක්වේ.
මෙම ආයතනවල ආරක්ෂාව සහ නඩත්තුව සදහා ස්ථාපිත කර ඇති විශේෂ භාරකාර මණ්ඩලය ඊට අදාළ,වගකීම් පැහැර හැර ඇති බවත් මෙම වාර්තාව මගින් අනාවරණය කර තිබේ.
