කොවිඩ් රෝගීන් සඳහාම ප්රතිකාර කෙරෙන හෝමාගම මූලික රෝහලද එහි උපරිම ධාරිතාවට ළඟා වී ඇතැයි රෝහලේ වෛද්ය අධිකාරි විශේෂඥ වෛද්ය ජනිත හෙට්ටිආරච්චි මහතා පවසනවා.
වෛද්ය අධිකාරිවරයා පවසන්නේ මේ වන විට රෝහලේ නේවාසික ප්රතිකාර සදහා ඇතුළත් වන රෝගීන්ගේ විශේෂත්වයක්ද දක්නට ඇති බවයි.
“දැන් රෝගීන් පෙර අවස්ථාවට වඩා අසාධ්ය රෝගීන්. ඒ නිසාම ජනතාවට කියන්න කැමතියි හැකිතාක් දුරට පරිස්සම් වෙන්න මොකද ඇතුළත්ව සිටින විශාල රෝගීන් ප්රමාණයකට ඔක්සිජන් ලබාදීමට සිදුව තිබෙනවා. දැඩි සත්කාර ඒකකයේ ඇඳන් සම්පූර්ණයෙන්ම රෝගීන්ගෙන් පිරී අවසන්. HDU ඇඳන් සියල්ලත් රෝගීන්ගෙන් පිරී අවසන්. “
මේ අතර, කොළඹ අධිකරණ වෛද්ය සහ විෂවේද ආයතනයේ මෘත ශරීරාගාර තුළ කොවිඩ් ආසාදිත මෘතදේහ සහ PCRපරීක්ෂණවලට ලක්කිරීමට නියමිත මෘතදේහ රැසක් මේ වන විට එක් රැස්ව තිබෙනවා.
රාගම ශික්ෂණ රෝහලේ මෘත ශරීරාගාරයේ එක්රැස්ව තිබූ මෘතදේහ මේ වන විට මහර, වත්තල, බියගම, ජාඇල, කටාන හා මීගමුව යන ප්රදේශවල ආදාහනාගාර වෙත යොමු කිරීමට පියවර ගත් බව රෝහල් බලධාරීන් සඳහන් කරනවා.