දිවයින පුරා රෝහල්වල කණිෂ්ඨ කාර්යමණ්ඩලය අද (03) සහ හෙට (04) අසනීප නිවාඩු වාර්තා කිරීමේ වෘත්තීය ක්‍රියාමාර්ගයක නිරතවීමට තීරණය කර තිබේ.
කණිෂ්ඨ කාර්යමණ්ඩලවල සේවකයින්ගේ සුරක්ෂිතතාව තහවුරු කිරීමට අදාළ ඉල්ලීම් කිහිපයක් මුල්කර ගනිමින් මෙම වෘත්තීය ක්‍රියාමාර්ගය ගන්නා බවයි ඒකාබද්ධ සෞඛ්‍ය සේවා සංගමයේ ප්‍රධාන ලේකම් ටැම්පිටියේ සුගතානන්ද හිමි ප්‍රකාශ කර සිටියේ.
රෝහල් වල සේවයේ නිරතව සිටින කණිෂ්ඨ කාර්යමණ්ඩලයට සිය රාජකාරි සිදුකිරීමට අපහසු තත්වයක් නිර්මාණය වී ඇති බවත් ගුණාත්මක සෞඛ්‍ය සේවාවක් ලබාදීමට නම් ඔවුන්ට යම් පහසුකම් ප්‍රමාණයක් තිබිය යුතු බවත් එබැවින් ඉල්ලීම් 12ක් මුල් කරගෙන මෙම ක්‍රියාමාර්ගයට යොමුවූ බවත් සුගතානන්ද හිමියන් පවසනවා.
