චීන ජනාධිපති ෂී ජින්පින්ග් යටතේ, නීතිය ක්රියාත්මක කිරීමට අදාළ නිවාස අඩස්සියේ තැබීම හෝ නේවාසික නිරීක්ෂණ තියුණු ලෙස ඉහළ ගොස් ඇති බව පර්යේෂණයක් උපුටා දක්වමින් මාධ්ය වාර්තා කර තිබේ.
එම පර්යේෂණට අනුව චීන මානව හිමිකම් ක්රියාකාරීන්ට සහ ඔවුන්ගේ පවුල්වලට තර්ජනය කිරීමට සහ නිශ්ශබ්ද කිරීමට නිවාස අඩස්සිය බොහෝ විට වැරදි ලෙස භාවිතා කරන බව පැවසේ.
අධිකරණ තීන්දු මත පදනම්ව, පර්යේෂකයන් ඇස්තමේන්තු කළේ පසුගිය දශකය තුළ පුද්ගලයින් 560,000 සිට 860,000 දක්වා නීත්යානුකූල නිවාස අඩස්සියේ තබා ඇති අතර තවත් බොහෝ අය නීති විරෝධී පාලනයන්ට යටත්ව සිටින බවයි.
පර්යේෂකයන්ගේ ඇස්තමේන්තුවලට අනුව වාර්තා නොකළ නිවාස අඩස්සියේ සිටින සංඛ්යාව නිල දත්ත ගබඩාවේ ඇති සිද්ධීන් සංඛ්යාව මෙන් අවම වශයෙන් තුන් ගුණයක් විය හැකි බව ද සදහන් වේ.
එබැවින් ඉදිරි වසර තුන තුළ යම් අවස්ථාවක දී නීත්යානුකූල අවස්ථා සංඛ්යාව මිලියන 1 ඉක්මවා යා හැකි බව අදාළ පර්යේෂණ කණ්ඩායම අනාවැකි පළ කර තිබේ.