වාහන ගෙන්වීම සඳහා අගමැතිවරයා කැබිනට් පත්රිකාව ඉදිරිපත් කර ඇත්තේ පසුගිය මැයි 18 වැනිදා වුවත් ඒවා මිලදී ගැනීම සඳහා ණයවර විවෘත කර ඇත්තේ පසුගිය අප්රේල් 22 බවත් කැබිනට් අනුමැතියක් නොමැතිව එලෙස ණයවර විවෘත කළ නොහැකි බවත් එම ක්රියාවලිය තුළම වංචාවක් සිදුව තිබෙන බවත් ජනතා විමුක්ති පෙරමුණේ නායක පාර්ලිමේන්තු මන්ත්රී අනුර දිසානායක මහතා අද (11) මාධ්ය වෙත අනාවරණ කරනු ලැබුවා.
පසුගිය මැයි 24 වැනිදා පැවති කැබිනට් රැස්වීමේදී මෙම වාහන ගෙන්වීමේ තීන්දුව අහෝසි කළ බවට ප්රකාශ කර තිබුණු අතර ඒ අනුව එම කැබිනට් පත්රිකාවද අහෝසි වන හෙයින් තවදුරටත් එම වාහන ගෙන්වීමට හැකියාවක් නැති බවයි මන්ත්රීවරයා පවසන්නේ.
කෙසේවෙතත් ණයවර විවෘත කර තිබෙන හෙයින් එම වාහන ගෙන්වීමට සිදුවන බවට කෙහෙළිය රඹුක්වැල්ල අමාත්යවරයා ප්රකාශ කළද කැබිනට් අනුමැතියකින් තොරව විවෘත කළ ණයවර මඟින් ආණ්ඩුව වාහන ගෙන්වන්නේ ඇයිද යන්න මන්ත්රීවරයා ප්රශ්න කරන ලදී.
” අපි අහනව අප්රේල් 22 මේ වාහන ආනයනය කරන්න විවෘත කර තිබෙන එල්සී එක මොකක්ද? මොන කැබිනට් මණ්ඩලයෙන්ද අනුමැතිය ලබාදුන්නේ. කවර කැබිනට් පත්රිකාවක්ද තිබෙන්නේ. මොකද කළේ, වාහන ඩීල් එකක් ආවා. යාලුවෝ ටික ඩීල් එක කතාකර ගත්තා. කතා කරගෙන එල්සී ඕපන් කළා. පස්සේ මතක් වුණා කැබිනට් මණ්ඩලයේ අනුමැතිය ඕනේ කියල. එහෙම නම් ණයවර නිකුත් කරන්න ඕනේ මැයි මාසේ 18 වැනිදාට පසුව. හැබැයි මේකේ තවත් එකක් දානවා. මෙම වාහන ආනයනය කිරීමේ කටයුතු වෙනුවෙන් මේ දක්වා ඉටුකර ඇති කාර්යයන් වෙනුවෙන් ආවරණ අනුමැතිය ලබා දෙන්න කියල. ඒ කියන්නේ කලින් කරපු ඒවටත් අනුමැතිය දෙන්න කියල. වංචාව වහගන්නයි මේ කැබිනට් පත්රිකාව දැම්මේ.” යැයි ඒ මහතා පවසයි.
සබැඳි ලිපි..