ආරක්ෂක අංශ විසින් පාකිස්තානයේ ස්වාත්හි පාසල් සහ උසස් අධ්‍යාපන ආයතනවල පවත්වාගෙන යන “නීති විරෝධී බන්ධනාගාර” වසා දමන ලෙස පාකිස්තානයේ මානව හිමිකම් කොමිසමේ සභාපති හීනා ජිලාන් ඉල්ලා තිබේ.
හීනා ජිලානි ස්වාත්හි පැවති ප්‍රවෘත්ති සාකච්ඡාවක් අමතමිනි පැවසුවේ “නීති විරෝධී බන්ධනාගාරවල” මියගිය අයගේ පවුල්වලට කිසිදු තොරතුරක් ආරක්ෂක අංශ විසින් ලබානොදෙන බවයි. මෙම ප්‍රවෘත්ති සාකච්ඡාව සැලසුම් කර තිබුණේ කයිබර් පක්තුන්ක්වා හි ඉහළ පෙළේ කරුණු සෙවීමේ සංචාරයකින් පසුවය.
මානව හිමිකම් කොමිෂන් සභාවේ කරුණු සෙවීමේ වාර්තාවට අනුව, පුරවැසියන්ගේ සිවිල්, දේශපාලන, සමාජීය සහ ආර්ථික අයිතීන් සහතික කරමින් මෙම ප්‍රදේශ සෙසු පළාත සමඟ ඒකාබද්ධ කිරීමට දුන් පොරොන්දුව ඉටු කිරීමට අපොහොසත් වීම සම්බන්ධයෙන් ජනතාව රජය කෙරෙහි නොසතුටට පත්ව සිටිති.
මෙම වාර්තාවට අනුව, කයිබර් පක්තුන්ක්වා හි සටන්කාමීත්වයේ වැඩිවීමක් ගැන කොමිසම කනස්සල්ලට පත්ව ඇත.
එසේම නීති විරෝධී ඝාතන සහ බලහත්කාරයෙන් අතුරුදහන් කිරීම් පිළිබඳ තත්වයන්ද වඩාත් නරක අතට හැරී ඇති බව පැවැසේ.
බලහත්කාරයෙන් අතුරුදහන් කිරීම්, අත්අඩංගුවේ පසුවද්දී සිදුවන මරණ සහ සිර කඳවුරුවලින් “අතුරුදහන්” වන පුද්ගලයින් පිළිබඳ තොරතුරු රැසක් මෙහිදී අනාවරණ කර තිබේ.
