සංචාරක ඇෆ්ගනිස්ථාන කණ්ඩායම සහ ශ්‍රී ලංකා කණ්ඩායම අතර පැවැත්වෙන එක්දින තරගාවලියේ දෙවැනි තරගය අද (11) මහනුවර පල්ලේකැලේ ක්‍රීඩාංගනයේ දී පස්වරු 2.30ට ආරම්භ වුණා.
එහිදී කාසියේ වාසිය ශ්‍රී ලංකා කණ්ඩායම දිනා ගැනීමට සමත් වූ අතර නායක කුසල් මෙන්ඩිස් පළමුව පන්දුවට පහර දීමට තීරණය කළd.
ඒ අනුව පළමුව පන්දුවට පහර දීමට පිටියට පිවිසි ශ්‍රී ලංකා කණ්ඩායම පන්දුවාර සියල්ල අවසානයේ කඩුලු 6ක් පමණක් දැවී ලකුණු 308ක් ලබා ගත්තා.
ආරම්භ පිතිකරුවන් ලෙස ක්‍රීඩා පිටියට පිවිසි පැතුම් නිස්සංක ලකුණු 18ක දැවී ගිය අතර අවිශ්ක ප්‍රනාන්දු ලකුණු 05කට දැවී ගියා.
නායකයා ලෙස කුසල් මෙන්ඩිස් පන්දු 65කට ලකුණු 61ක් රැස් කිරීමට සමත් වූ අතර සධීර සමරවික්‍රම ලකුණු 52ක් රැස් කිරීමට සමත් වුණා.
එමෙන්ම ජනිත් ලියනගේ අර්ධ ශතකයක් වාර්තා කළ අතර චරිත අසලංක නොදැවී ලකුණු 97ක් රැස් කරමින් ශ්‍රී ලංකා ඉණිම ශක්තිමත් කළා.
පන්දු යැවීමේ දී ඇෆ්ගනිස්ථාන කණ්ඩායමේ Azmatullah Omarzai කඩුළු 3ක් දවා ගත් අතර Fazalhaq Farooqi, Noor Ahmad, Qais Ahmad කඩුල්ල බැගින් දවා ගත්තා.
කෙසේවෙතත් ඇෆ්ගනිස්ථාන කණ්ඩායම ලකුණු 309ක ඉලක්කයක් හඹා යාමට නියමිතයි.
