27.2 C
Colombo
Wednesday, June 19, 2024
spot_img

බිරිඳගේ ඝාතනයට සැමියා අත්අඩංගුවට

- Advertisement -

ලුණුගල, කුඹුකන්ඔයේ දියනාමින් සිටි දෙදරු මවක් ඝාතනය කිරීමේ සිද්ධියට සැකපිට ඇයගේ සැමියා සහ ඊට අනුබල දුන්නේ යැයි සැකපිට ඔහුගේ මිතුරෙකු ඊයේ (20) අත්අඩංගුවට ගත්බව ලුණුගල පොලීසිය පවසනවා.

මෙසේ ඝාතනය ලක් වූයේ, ලුණුගල ජනතාපුර තුඹපිටියවත්ත ප්‍රදේශයේ පදිංචිව සිටි 36 හැවිරිදි කාන්තාවක් බවයි වාර්තා වන්නේ.

ඇය 19 වනදා සවස 3.00ට පමණ සිය 11 හැවිරිදි පුතා සමග නිවසට පහළින් ඇති කුඹක්කන් ඔයේ දියනෑමට ගොස් තිබුණා.

පුතාට දිය නාවා ගෙදර යවා මද වේලාවකින් මව කෑගසන හඬ ඇසී ඇයගේ 17 හැවිරිදි දියණිය එම ස්ථානයට යන විට, මව හිසේ සහ මුහුණේ ලේ ගලන තුවාල සහිතව වැටී සිටිනු දැක පොලීසියට දන්වා තිබුණා.

ලුණුගල පොලීසිය පැවසුවේ, මහෙස්ත්‍රාත්වරයාගේ නියෝගය මත බුද්ධි අංශයේ නිලධාරින් ද යොදවා පුළුල් විමර්ශන සිදුකළ බවත් සැකකරු කැලෑ පාරකින් ලුණුගල නගරයට එමින් සිටියදී අත්අඩංගුවට ගත් බවයි.

පොලීසිය සඳහන් කළේ, සැකකරුගේ ප්‍රකාශය මත මෙම ඝාතනයට අනුබල දුන් සැකකරුගේ මිතුරෙක්ද අත්අඩංගුවට ගත් බවයි.

සැකකරු හා මරණකාරිය අතර කලක සිට පවුල ආරවුල් පැවති බවත්, ගෘහස්ථ හිංසනය සම්බන්ධයෙන් සැකකරුට විරුද්ධව අධිකරණයේ නඩු පැවරීමෙන් පසු සැකකරුට නිසි අවසරයකින් තොරව එම නිවසට යාම තහනම් කර තිබූ බවත් පොලීසිය පැවසුවා.

තමා කුඹුක්කන් ඔය අසල සැඟවී සිට බිරිඳ පුතාව නාවා ගෙදරට ඇරලවීමෙන් පසු තනියම දියනාමින් සිටි බිරිඳ වෙත කඩාපැන ඇයට පහරදුන් බවත් ඇය වැටුණු පසු විශාල ගලක් ගෙන මුහුණට අතහැරිය බවත් සැකකරු පොලීසියට පවසා තිබෙනවා.

45 හැවිරිඳි සැකකරු අද (21) අධිකරණයට ඉදිරිපත් කරන බවද පොලීසිය පැවසුවා.

RECENT ARTICLES - SINHALA

ජපාන​යේ බැක්ටීරියා ආසාදනය ගැන මෙරටට පණිවිඩය​ක්

ජපානයේ ව්‍යාප්ත වෙමින් පවතින දුර්ලභ බැක්ටීරියා ආසාදනය සම්බන්ධව මෙරට ජනතාව අනියත බියක් ඇති කරගැනීමට අවශ්‍ය නොවන බව සෞඛ්‍ය අමාත්‍යාංශය පවසනවා. streptococcal toxic shock syndrome ලෙස...

සමීක්ෂණ කරලා තමයි රනිල් ජනාධිපතිවරණයට ඉදිරිපත් වෙන්නේ – අකිල

ජයග්‍රහණය කළ නොහැකි නම් රනිල් වික්‍රමසිංහ මහ​තා ඡන්දයට ඉදිරිපත් නොවන බවට ඇතැමු​න් ප්‍රකාශ කළද ඔහු මෙවර ජනාධිපතිවරණයට ඉදිරිපත් වන බව එක්සත් ජාතික පක්ෂයේ උප...

පක්ෂ ඔක්කො​ම 69 ලක්ෂය බෙදාගන්න පොරකනවා- ශාන්ත බණ්ඩාර

පුද්ගලයින් වශයෙන් ශ්‍රී ලංකා පොදුජන පෙරමුණ අතහැර ගියද 69 ලක්ෂය පක්ෂය අතහැර නොයන බව රාජ්‍ය අමාත්‍ය ශාන්ත බණ්ඩාර මහ​තා පවසනවා. අමාත්‍යවරයා පවසන්නේ, සියලුම දේශපාලන පක්ෂ...

POPULAR ARTICLES

වනිඳුගෙන් දැඩි තීරණයක්

ශ්‍රී ලංකා විස්සයි විස්ස ක්‍රිකට් කණ්ඩායමේ නායක වනිඳු හසරංග සිය ධුරයෙන් ඉල්ලා අස්වීමට තීරණය කර ඇති බව ශ්‍රී ලංකා ක්‍රිකට් අභ්‍යන්තර ආරංචි මාර්ග පවසනවා. ඒ...

ගුරුවරුන්ට අධ්‍යාපන ඇමතිගෙන් පණිවිඩයක්

සියලු‍ පාසල් ඩිජිටල්කරණය කර එකම ජාලයකට ගතහොත් සමස්ත විෂය පාඩම් එක තැනක සිට දරුවන්ට ඉගැන්විය හැකි වනු ඇති බව අධ්‍යාපන අමාත්‍ය ආචාර්ය සුසිල් ප්‍රේමජයන්ත...

ශ්‍රී ලංකා කණ්ඩායම ගුවන්තොටුපලේ ගෙවන පර්යන්තයෙන් එළියට ඇවිත්

20යි 20 ලෝක කුසලාන තරගාවලියට සහභාගී වූ ශ්‍රී ලංකා ක්‍රිකට් කණ්ඩායම අද (19) උදෑසන මෙරටට පැමිණියා. එහිදී මාධ්‍ය අමතමින් ශ්‍රී ලංකා T20 ක්‍රිකට්...