ජල විදුලි ජනනය 15 % ක් දක්වා පහළ ගොස් තිබෙනවා.
ලංකා විදුලිබල මණ්ඩලය සඳහන් කළේ, බලාගාර ආශ්රිත ජලාශවල ධාරිතාව මේ වනවිට 23% ක් දක්වා පහළ ගොස් ඇති බවයි.
රන්දෙණිගල ධාරිතාව 8.1 % ක් දක්වාත් වික්ටොරියා ජලාශයේ ධාරිතාව 27% ක් දක්වාත් මේ වනවිට පහළ ගොස් තිබෙනවා.
සමනල වැව ජලාශයේ ධාරිතාවද සමස්ත ධාරිතාවයෙන් මේ වනවිට 1.9% ක් දක්වා පහළ ගොස් තිබෙන බව සඳහන්.
මෙවැනි තත්ත්වයක් යටතේ මෙරට විදුලි ඉල්ලුමෙන් 80 % ක්ම සැපයෙන්නේ ගල් අඟුරු හා තාප විදුලියෙන් බව ලංකා විදුලිබල මණ්ඩලය සඳහන් කළා.
මේ අතර, මාස 6 ක කාලයක් සදහා මෙගා වොට් 100ක විදුලිය මිලදී ගැනීමට ශ්රී ලංකා මහජන උපයෝගිතා කොමිෂන් සභාව ලංකා විදුලිබල මණ්ඩලයට අනුමැතිය ලබා දී තිබෙනවා.