තමන්ට ඇති ආර්ථික අපහසුතාවන් නිසා තමන්ගේ සම්පූර්ණ වැටුපම පරිත්‍යාග කළ නොහැකි බව මන්ත්‍රී ඩිලාන් පෙරේරා මහතා පවසනවා.
ඒ, අද පැවති මාධ්‍ය හමුවක් අමතමින්.
මේ වන විට පාර්ලිමේන්තු මන්ත්‍රීවරුන් විශාල ගණනක් සිය වැටුප කොවිඩ් අරමුදල වෙත දායක කිරීමට තීරණය කර ඇති නමුත් තමා දැන් නීතීඥ වෘතියේද නොයෙදෙන බැවින් සිය සම්පූර්ණ වැටුපම අරමුදල වෙත බැරකිරීම අපහසු කාරණයක් බවයි ඔහු පවසන්නේ.
තමාගේ සියලු ඉතුරුම් පෞද්ගලික මූල්‍ය ආයතනයක තැන්පත් කර ඇතත් එම ආයතනය කඩා වැටීමෙන් ඒ සියලු මුදල් අපතේ ගිය බවත් මුලු වැටුප පරිත්‍යාග කලහොත් තමාට ජීවත් වීමටවත් නොහැකි නිසා වැටුපෙන් අඩක් කොවිඩ් අරමුදල වෙනුවෙන් කැප කිරීමට සූදානම් බවත් ඔහු පවසනවා.
තමන්ගේ මන්ත්‍රී වැටුපෙන් සහ සිය බිරිඳගේද සුලු රැකියාවෙන් තමන් ජීවිකාව සරිකරගන්නා බවත් ඔහු පවසා සිටිනවා.
එබැවින් සමාජ වගකීමක් ලෙස සිය වැටුපෙන් 50%ක් පරිත්‍යාග කරන නමුත් රජයේ සේවකයන්ට එලෙස කැපකිරීම් කරන්නැයි ඉල්ලා සිටිය නොහැකි බවත් තමන්ට ජීවත් වීමට මෙතරම් අපහසු නම් සාමාන්‍ය රාජ්‍ය සේවකයන්ට ජීවත් වීම කොතරම් අසීරුදැයි තමන්ට වැටහෙන බවත් ඔහු පවසනවා.
මන්ත්‍රීවරයෙකුගේ මාසික දීමනාව(වැටුප) රුපියල් 54,385කි.
එමෙන්ම, සිය දේශපාලන සගයෙකු වන දිවංගත මංගල සමරවීර මහතාව සිහිපත් කිරීමටද ඔහු අමතක කළේ නෑ.
