පාර්ලිමේන්තු මන්ත්‍රීවරුන් හා ඇමතිවරුන් යනු වැඩිපුරම සමාජයේ ජනතාව ඇසුරු කරන අය බැවින් ඔවුන් කොවිඩ් වැක්සීනය ලබාගැනීමේ වරද කුමක්දැයි සංචාරක අමාත්‍ය ප්‍රසන්න රණතුංග මහතා ප්‍රශ්න කරනවා.
2015 අප්‍රේල් හා ජූනි මස අතර කාලය තුළදී මීතොටමුල්ල ප්‍රදේශයේ ඉඩමක් අනවසර පදිංචිකරුවන් ඉවත්කර සංවර්ධනය කර නිරවුල් භුක්තිය ලබාදීමට රුපියල් මිලියන 64 ක මුදලක් ඉල්ලා සිටීම ඇතුළු චෝදනා යටතේ නීතිපතිවරයා විසින් ගොනුකර ඇති නඩුවකට පෙනී සිටීම සදහා අමාත්‍යවරයා ඊයේ (18) කොළඹ මහාධිකරණය වෙත පැමිණි අවස්ථාවේදී මෙම අදහස් පළකළා.
විපක්ෂයේ ඇතැම් මන්ත්‍රීවරුන් වැක්සීනය ලබා නොගත්තද ඔවුන්ගෙන් ඇතැමෙක් පාස්කු ප්‍රහාරයේදී ජනතාව මියයන තුරු බලාසිටි පුද්ගලයන් බවද රණතුංග මහතා මෙහිදී සදහන් කළා.
විපක්ෂයේ මන්ත්‍රීවරුන් බලාසිටින්නේ කොවිඩ් වෛරසය බෝවී රට අරාජික වන තුරු බවත් මෙය කුහකත්වය බවත් සදහන් කල අමාත්‍යවරයා වැක්සීනය සියලුම දෙනා හට ලබාදීමට ජනාධිපතිවරයා තීරණය කර ඇති බවද මාධ්‍ය වෙත අදහස් දක්වමින් පවසා සිටියා.
ඊට අදාල දර්ශන පහතින්,
