තමා කිසි දිනක අමාත්ය ධුර ඉල්ලා නොමැති බව පාර්ලිමේන්තු මන්ත්රී මහින්දානන්ද අලුත්ගමගේ මහතා පවසනවා.
මන්ත්රීවරයා මේ බව කියා සිටියේ මාධ්යවේදීන් පිරිසක් අද (2) කළ විමසුමකදීයි.
වැඩිදුරටත් අදහස් දක්වමින් ඔහු සඳහන් කළේ තමාගේ සේවය රටට අවශ්ය බව පැවසුවහොත් එය නොපැකිලිව ලබාදෙන බවයි.
ප්රශ්නය – ඔබතුමා ජනාධිපතිතුමාට තර්ජනය කළා ද? 53ක් එක්ක ගිහිල්ලා වාඩිවෙනවා කියලා විපක්ෂයේ, ඇමතිකම දුන්නේ නැත්නම් ?
“මට අනිත් අය ගැන කියන්න බැහැ. මම තර්ජනය කිරීමක් හෝ ඇමති තනතුර කිසිම දවසක මම ඉල්ලලා නැහැ. මම ඇමති තනතුරු පස්සෙන් හඹා යන්නේත් නැහැ. ජනාධිපතිවරයා වගකීමක් භාර දුන්නොත් ඒක භාර ගන්නවා.
ඒ නිසා පසුගිය කාලයේ මේ රටේ තිබුණ ආර්ථික අර්බුදයත් එක්ක අමාත්යධුර ලබාදීම සුදුසු නැහැ. ඒ නිසා මේ ආර්ථිකය යම්තාක් දුරට යතාවත් වුණාට පස්සේ තමයි එය ලබාදිය යුත්තේ.
ඒ නිසා මම කිසිසේත් කවමදාවත් ඇමතිකම් ඉල්ලලාත් නැහැ, ඇමතිකම් පස්සේ යන්නේත් නැහැ. මගෙන් යම් දෙයක් රටට අවශ්යයි කියලා තීරණය කරනවා නම් මම ඒක පිළිගන්නවා. මම ඇමතිකම් ඉල්ලගෙන අඬාගෙන පස්සෙන් යන්නේ නැහැ.”