ජාත්යන්තර මුල්ය අරමුදල සමඟ ඇති කරගත් ගිවිසුම අද (22) පාර්ලිමේන්තුවට ඉදිරිපත් කරන බව ජනාධිපති රනිල් වික්රමසිංහ මහතා ප්රකාශ කරනවා.
ජනාධිපතිවරයා මේ බව කියා සිටියේ ශ්රී ලංකාවට ලැබුණු IMF එකඟතාව සම්බන්ධයෙන් ඊයේ (21) විශේෂ ප්රකාශයක් කරමින්.
මේ අනුව ශ්රී ලංකාවට අනුමත කර ඇති ණය මුදලේ පළමු වාරිකය වන අමෙරිකානු ඩොලර් මිලියන 330ක මුදල ඉදිරි දින දෙක තුළ ලැබෙනු ඇති බවයි වාර්තා වන්නේ.
ඊට අමතරව ණය හිමියන්ගේ විශ්වාසය නැවත ලබා ගැනීම සඳහා බදු ප්රතිසංස්කරණ දැඩි ලෙස අවශ්ය බව ජාත්යන්තර මුල්ය අරමුදල පවසනවා.
ඊයේ (21) පැවැති විශේෂ මාධ්ය හමුවට එක්වෙමින් එම අරමුදලේ මෙරට ජ්යෙෂ්ඨ දූත මණ්ඩල ප්රධානී පීටර් බෲවර් මහතා කියා සිටියේ ඇමෙරිකානු ඩොලර් බිලියන 1.4 ක් විවෘත වෙළඳපොලෙන් මිලට ගන්නා බවට මහබැංකුව ප්රකාශ කර ඇති බවයි.
එය ශ්රී ලංකාවේ සංචිත වැඩි කර ගැනීමට උපකාරි වනු ඇති බව ජාත්යන්තර මූල්ය අරමුදලේ මෙරට ජ්යෙෂ්ඨ දූත මණ්ඩල ප්රධානීයා වැඩිදුරටත් සඳහන් කළා.