රටට කළ අපරාධය සම්බන්ධයෙන් මුදල් හිටපු අමාත්‍ය බැසිල් රාජපක්ෂ මහතා සිරගත කළ යුතු බව අපේ ජන බල පක්ෂයේ පාර්ලිමේන්තු මන්ත්‍රී අතුරලියේ රතන හිමියන් පවසනවා.
උන්වහන්සේ මෙසේ පැවසූවේ ” රට බංකොළොත් නම් උත්තරය බංකොලොත් විය යුතුද”යන මැයෙන් විපක්ෂයේ ස්වාධීන පක්ෂ නායකයන්ගේ සහභාගිත්වයෙන් කොළඹදී ඊයේ(12) පැවැත්වූණු සම්මන්ත්‍රණයකදීයි.
පවුල් දේශපාලනය මෙහෙයවපු බැසිල් අද රටින් තමන්ගේ ගම්බිම් බලා ගොස් ඇති බවත් එවැනි දේවල් කළ අයෙකුට මෙසේ විදෙස්ගත වීමට හැකිදැයි ප්‍රශ්න කරන බවත් උන්වහන්සේ ප්‍රකාශ කරනවා.
ඔහුට දැන් කිසිම වගකීමක් නොමැති බවත් ඔහු මාධ්‍ය සාකච්ඡාවක් පවත්වා සිනාසී ගෙදර ගිය බවත් අද ඔහු ගැන කිසිදු සාකච්ඡාවක් රටේ නැති බවත් උන්වහන්සේ වැඩිදුරටත් අවධාරණය කරනවා.
