දේශපාලන රැළි වලදී තමන් සිදුකරනු ලබන කතාවන් විකාශනය කිරීම වලක්වාලීම සඳහා පාකිස්ථාන රජය විසින් එරට තුල Youtube සමාජ මාධ්‍ය ජාලය අවහිර කර ඇති බව හිටපු අගමැති ඉම්රාන් ඛාන් චෝදනා කරයි.
පාකිස්ථාන රජය විසින් මේ වන විට Youtube සමාජ මාධ්‍ය ජාලය එරට තුල තාවකාලිකව තහනම් කිරිමට පියවර ගෙන ඇත.
කෙසේ වුවත් Youtube සමාජ මාධ්‍ය අවහිර කිරීමට හේතුව කුමක්ද යන්න මේ දක්වා පාකිස්ථානයේ විදුලි සංදේශන කොමිෂන් සභාව හෙළි කර නොමැති බව විදෙස් මාධ්‍ය සඳහන් කරයි.
මේ අතර හිටපු අගමැතිවරයා විසින් රාජ්‍ය ආයතන සහ නිලධාරින් ඉලක්ක කරමින් සිදුකරනු ලබන ප්‍රකාශනයන් ප්‍රචාරය වීම වැළැක්වීම සඳහා ඔහුගේ කතා විකාශනය නොකරන ලෙස එරට මාධ්‍ය ආයතන වලට පාකිස්ථාන විද්‍යුත් මාධ්‍ය නියාමන අධිකාරිය විසින් දැනුම් දී තිබිණි.
විද්‍යුත් නියාමන අධිකාරිය සඳහන් කර සිටියේ හිටපු අගමැතිවරයා සිදුකරනු ලබන ප්‍රකාශයන් රාජ්‍ය ආයතනවලට එරෙහිව සිදුකරනු ලබන වෛරී ප්‍රකාශනයන් බවයි.
