පාකිස්තානයේ හිටපු අගමැති සහ ටෙහ්රීක්-ඊ-ඉන්සාෆ් (පීටීඅයි) පක්ෂයේ සභාපති ඉම්රාන් ඛාන් දේශපාලනඥයකු නොව ත්රස්තවාදියකු බව එරට තොරතුරු අමාත්යවරිය පවසා ඇත.
ඇය වැඩිදුරටත් සඳහන් කර ඇත්තේ ඉම්රාන්ගේ Zaman Park නිවස ත්රස්තවාදීන්ගේ බංකරයක් සහ පෙට්රල් බෝම්බ නිෂ්පාදන රසායනාගාරයක් බවයි.
ඛාන් පසුගිය වසරේ අප්රේල් මාසයේදී බලය අහිමි වීමෙන් පසුව පිස්සු වැටී සිටින බවටත්, දැන් දේශපාලනඥයාගෙන් ඔහු ත්රස්තවාදියෙකු බවට පත්ව ඇති බවටත්, ප්රවෘත්ති සාකච්ඡාවකට එක්වෙමින් අමාත්යවරිය චෝදනා කර තිබේ.
ඇමතිවරිය පවසන ආකාරයට, ඉම්රාන්ට නීතිය කඩ කිරීමට ඉඩ දුන්නේ නම්, කල්ලි, දාමරිකයන් සහ ත්රස්තවාදීන් සෑම වීදියකින්ම මතු වී උසාවියට සහ පොලිසියට පහර දෙනු ඇත.
පසුගිය වසරේ අගෝස්තු 23 වැනිදා සිට අධිකරණයට කැඳවා ඇති නමුත් ඉම්රාන් නොපැමිණි බවත්, ඔහුව අත්අඩංගුවට ගෙන ඉදිරිපත් කරන ලෙස අධිකරණය නියෝග කළ විට අධිකරණයට පහරදීමට ඔහුගේ අනුගාමිකයින් පොළඹවා ඇති බවත් ඇය වැඩිදුරටත් පැවසුවාය.