මේ දිනවල තරුණ තරුණියන් බොහෝ දෙනෙකු තම ශරීර වර්ණය සුදු පැහැයට හරවා ගැනීම සඳහා විවිධ ක්‍රම වේද අත්හදා බලමින් සිටින බව නොරහසක්.
එලෙස ඔවුන් අත්හදා බලන ඇතැම් මුහුණු ආලේපන ක්‍රීම් වර්ග මිනිස් සිරුරට දැඩිව අහිතකර බව මේ වන විට සිදු කර ඇති පර්යේෂණයකින් අනාවරණය වී තිබෙනවා.
මෙම ක්‍රීම් වර්ග භාවිතය හේතුවෙන් ශරීරයේ රසායනික ක්‍රියාවලිය විකෘති වන බවත් ඇතැම් අවස්ථා වලදී පිළිකා වැනි රෝගී තත්වයන් මෙන්ම විවිධ චර්ම අසාධන සහ ලප කැළැල් ඇති විය හැකි බවත් මේ සම්න්ධයෙන් සිදුකරන ලද පර්යේෂණයට දායක වූ කොළඹ විශ්වවිද්‍යාලයේ ජෛව රසායන විද්‍යාව පිළිබඳ මහාචාර්ය නිමල් පුණ්‍යසිරි මහතා හෙළිකර තිබෙනවා.
අන්තර්ජාල නාලිකාවක් සමඟ සාකච්ඡාවකට එක්වෙමින් ඒ මහතා අදාළ ආලේපන වර්ග වල නම් රැසක් ද ප්‍රසිද්ධියට පත් කර තිබීම විශේෂත්වයක්.
