එක්සත් ජාතීන්ගේ ආරක්ෂක කවුන්සිලයේ නිත්‍ය සාමාජිකයෙකු වීමට ඉන්දියාවට වැඩි සහයෝගයක් ලැබෙන බවත් කවුන්සිලය ප්‍රතිසංස්කරණය කිරීමේ අවශ්‍යතාවය පිළිබඳව පුළුල් ගෝලීය එකඟතාවයක් ඇති බවත් ඉන්දීය විදේශ කටයුතු අමාත්‍ය එස් ජයශංකර් පවසයි.
ඉන්දියාවට එක්සත් ජාතීන්ගේ ආරක්ෂක කවුන්සිලයේ රැදී සිටීමට වැඩි සහයෝගයක් ලැබෙමින් පවතින බව සෑම වසරකම තමාට හැඟෙන බව ද ඔහු සදහන් කරයි.
වසර කිහිපයක් ඇතුළත ඉන්දියාව ලෝකයේ තුන්වන විශාලතම ආර්ථිකය වනු ඇති බවත් එය වඩාත්ම ජනාකීර්ණ සමාජය වනු ඇති බවත් ඔහු පැවසීය.
එවැනි රටක් ආරක්ෂක කවුන්සිලයේ සාමාජිකයෙක්වීම වඩා හොද තත්වයක් යැයි තමන් විශ්වාස කරන බව ද ආචාර්ය ජයිශංකර් නිව්යෝර්ක්හි කොලොම්බියා විශ්ව විද්‍යාලයේ දී අදහස් දක්වමින් සදහන් කළේය.
එක්සත් ජාතීන්ගේ මහා සමුළුවට (UNGA) සහභාගීවීම සදහා දින දහයක ඇමරිකානු සංචාරයක නිරතව සිටින ඉන්දීය විදේශ අමාත්‍ය එස් ජයිසංඛර් ඊට සමගාමීව තවත් ද්වි සහ බහුපාර්ශවික සාකච්ඡා රැසක නිරත වී සිටියි.
