මෙරට මුහුදු සීමාව තුළ ධීවර කටයුතුවල නිරත වීමෙන් වසරකට ඩොලර් මිලියන 2000ක් වටිනා මත්ස්‍ය අස්වැන්නක් ඉන්දීය ධීවරයින් විසින් නෙළා ගන්නා බව ආර්ථික අර්බුදය සමනය කිරීම පිළිබඳ ආංශික අධීක්ෂණ කාරක සභාවේදී අනාවරණය වී තිබෙනවා.
ආංශික අධීක්ෂණ කාරක සභාවේ සභාපති ගාමිණි වලේබොඩ මහතා පැවසුවේ, වසර 30කින් නාරා ආයතනය උතුරු, නැගෙනහිර ප්‍රදේශයේ මුහුදු පිළිබඳ නිවැරදි සමීක්ෂණයක් සිදු කර නොමැති බවට අනාවරණය වූ බවයි.
මෙහිදී පැමිණෙන ඉන්දීය ධීවරයින් විසින් ටෝලර් යාත්‍රා මඟින් රැගෙන එන තහනම් ආම්පන්න මුහුදු පතුලට පවා විශාල හානියක් සිදුකරන බවත් එය තව අවුරුදු සිය ගාණනකට නැවත යතාවත් නොවන ආකාරයේ හානියක් බවත් පැමිණි විශේෂඥ කණ්ඩායම්,විශේෂ පර්යේෂකයින් හා උතුරු නැගෙනහිර ධිවර ප්‍රෙද්ශවල කණ්ඩායම් පෙන්වා දී තිබුණා.
මෙම කාරක සභාව හමුවට ධීවර අමාත්‍යාංශයේ ලේකම්වරයා ඇතුළු සියලු නිලධාරීන් කැඳවා තිබු අතර නාරා ආයතනය, ධීවර සංස්ථාව, ධීවර නීතිගත සංස්ථාව ඇතුළු තවත් ආයතන කිහිපයක සාමාජිකයින්ද ඇතුලත්.
