කොළඹ ඉන්දියානු මහ කොමසාරිස් කාර්යාලය පවසන්නේ කොළඹ වරායේ බටහිර පර්යන්තය ඉන්දියානු සමාගමක් සමඟ සංවර්ධනය කිරීම පිළිබදව ශ්‍රී ලංකා රජයේ ප්‍රකාශය පිළිබදව තමන් විමතියට පත්වන බවයි.
කැබිනට් තීරණ දැනුම්දීමේ ප්‍රවෘත්ති සාකච්ඡාවේදී අමාත්‍ය කෙහෙළිය රඹුක්වැල්ල මහතා අද (02) නිවේදනය කළේ කොළඹ වරායේ බටහිර බහාලුම් පර්යන්තය ඉදිකිරීම, සංවර්ධනය කිරීම සහ මෙහෙයුම් කර පවරාදීම සඳහා වූ යෝජනාවට ආයෝජකයින් නම්කරන ලෙස ඉන්දියානු මහ කොමසාරිස් කාර්යාලයට කල ඉල්ලීමට ඔවුන් ප්‍රතිචාර දක්වා ඇති බවයි.
ඒ අනුව ආදානි පොර්ට්ස් සහ ස්පෙෂල් ඉකොනොමික් සෝන් ලිමිටඩ් ඉදිරිපත්කළ යෝජනාව සඳහා ඉන්දීය මහ කොමසාරිස් කාර්යාලයේ එකඟතාව ලැබී තිබෙන බව කෙහෙළිය රඹුක්වැල්ල මහතා සදහන් කළා.
කෙසේ වෙතත් ඉන්දීය මහකොමසාරිස් කාර්යාලයේ ප්‍රකාශකයෙකු සදහන් කළේ ශ්‍රී ලංකාවේ ආයෝජන අනුමත කිරීම ශ්‍රී ලංකා රජයේ කාර්යයක් මිසක එය ඉන්දියාවේ කාර්යයක් නොවන බවයි.
