ඉන්දීය විදේශ අමාත්ය එස් ජයසංකර් සහ පකිස්තාන විදේශ අමාත්ය මොහොමඩ් කුරේසි එක්සත් අරාබි එමීර් රාජ්යයේ එකවර සංචාරයක නිරතවන බව වාර්තා වේ.
දෙරට අතර යම් සහයෝගීතාවයක් ගොඩනැංවීම සදහා මෙම අවස්ථාව යොදා ගැනීමට එක්සත් අරාබි එමීර් රාජ්යය කටයුතු කරමින් සිටින බව විදෙස් මාධ්ය වාර්තාවල දැක්වේ.
කෙසේවෙතත් මෙහිදී දෙරටේ විදේශ අමාත්යවරුන් අතර සාකච්ඡාවක් සිදුනොවන බව ඉන්දියාව මෙන්ම පකිස්තානයද සදහන් කර තිබේ.
කෙසේවෙතත් එක්සත් අරාබි එමීර් රාජ්යයේ විදේශ කටයුතු අමාත්ය ෂෙයික් අබ්දුල් බින් සායිඩ් දෙරටේම විදේශ අමාත්යවරුන් සමග සාකච්ඡා කිරීමට නියමිතයි.
එහිදී ඉන්දියාව සහ පකිස්තානය අතර යම් සහයෝගීතාවයක් ඇතිකිරීමද ඔහුගේ සාකච්ඡා න්යාය පත්රයට ඇතුළත් වන බව විදෙස් මාධ්ය වාර්තාවල දැක්වේ.