සුඩානයේ යුද ගැටුම්වලට මැදි වූ ඉන්දියානුවන් මුදා ගැනීමේ කාවේරි මෙහෙයුම අවසන් කර තිබේ.
ඒ අනුව ඉන්දියානුවන් 3862 දෙදෙනෙක් නිරුපද්‍රිතව සුඩානයෙන් ඉවත් කර ගැණුනි.
එත් සමගින් ජෙඩා හි පාසලක පවත්වා ගෙන යනු ලැබූ සංක්‍රමණ පහසුකම් මධ්‍යස්ථානය ද වසා දැමූ බව සෞදි අරාබියේ ඉන්දීය තානාපති කාර්යාලය නිවේදනය කළේය.
ඉන්දීය ගුවන් හමුදාවට අයත් යානා 17ක් සහ නාවික හමුදා යාත්‍රා 05ක් කාවේරි මෙහෙයුම සඳහා එක්විය.
“අවිනිශ්චිත ආරක්ෂක තත්වයන් යටතේ රට පුරා විවිධ ස්ථානවලින් වරාය සුඩානය වෙත මගීන් ගෙන යාම සංකීර්ණ අභ්‍යාසයක් විය. ඉන්දියානු ගුවන් හමුදාවේ ගුවන් යානා 17 ක් සහ ඉන්දීය නාවික හමුදාවේ නැව් 5 ක් හරහා අපේ ජනතාව පෝට් සුඩානයේ සිට සෞදි අරාබියේ ජෙඩා හි ආරක්ෂිත ස්ථාන වෙත ගෙන යන ලදී.සුඩානයට මායිම් වූ රටවල් හරහා ජාතිකයන් 86 දෙනෙකු ඉවත් කර ගැනුණි.” ටිව්ටර් සටහනක් තබමින් ඉන්දීය විදේශ අමාත්‍ය එස් ජයිශංකර් පැවසුවේය.
