කොවිඩ් 19 වෛරසය පාලනයට ඉන්දියාව සම්පූර්ණයෙන්ම දේශියව නිපදවූ කොවැක්සින් එන්නත සදහා ලෝක සෞඛ්‍ය සංවිධානයේ අනුමැතිය ලබාගැනීමට කටයුතු කෙරෙමින් ඇතැයි වාර්තා වේ.
ඒ එම එන්නත් සියයට 77.8 ඵලදායීත්වයකින් සහ සියයට 93.4 කින් අසාධ්‍යවීම වළක්වන බවටත් අවසන් අදියරේ පරීක්ෂණවලදී තහවුරැ වීමත් සමගයි.
කෙසේවෙතත් දැනටමත් මෙම එන්නත රටවල් 13ක් විසින් හදිසි භාවිතයට අනුමැතිය ලබාදී එන්නත්කරණය සදහා භාවිතා කෙරේ.
ඉන්දියාව ,පිලිපීනය,මෙක්සිකෝව, ඉරානය ඇතුලු රටවල් රැසක් ඒ අතර වේ.
ඉන්දියාවේ ප්‍රතිශක්තිකරණ සදහා භාවිතා කරන ප්‍රධානතම එන්නත් දෙක වන්නේ මෙම කොවැක්සින් එන්නත සහ කොවිෂීල්ඩ් එන්නතයි.
ඉන්දීය රාජ්‍ය සමාගමක් වන භාරත් බයෝටෙක් ආයතනය මෙම එන්නත නිෂ්පාදනය කරන අතර මසකට එන්නත් මිලියන 23 ක් බැගින් නිෂ්පාදනය කෙරේ.
