ඉන්දියවේ ජංගම දුරකතන සමාගම් මගින් සිදුකරන 5G තාක්ෂණය යොදාගැනීමේ පර්යේෂණවලදී චීන සමාගම්වල තාක්ෂණික සහය ලබාගැනීම තහනම් කර තිබේ.
එරට රාජ්‍ය බලධාරීන් නියෝග කර ඇත්තේ අදාළ පරීක්ෂණ සදහා හුවාවි, ZTE යන සමාගම්වල තාක්ෂණික සහය ලබාගැනීමත් උපකරණ භාවිතා කිරීමත් තහනම් වන බවයි.
අදාළ චීන සමාගම් දෙක විසින් 5G තාක්ෂණික සහය ලබාදීම සහ උපකරණ සැපයීම හරහා විවිධ රටවල දත්ත ලබා ගන්නා බවටත් ඒ හරහා ආරක්ෂක ගැටලු මතුවන බවත් ප්‍රකාශ වී තිබේ.
ඒ අනුව ඇමරිකාව මෙන්ම යුරෝපා රටවල් රැසක්ද චීන සමාගම් හරහා 5G තාක්ෂණය යොදාගැනීම තහනම් කර ඇත.
ඒ අනුව ඉන්දියාවද මෙම තීරණයට එළඹ ඇති අතර චීනය විසින් ඉන්දියාවේ මෙම තීරණය අසාධාරණ සහ පදනම් විරහිත බවට චෝදනා කර තිබේ.
