ඉන්දියාවේ තිරිඟු නිෂ්පාදනය 2022-23 බෝග වර්ෂය තුළ, ටොන් මිලියන 112 කට වඩා වැඩි නිෂ්පාදනයක් හරහා නව වාර්තාවක් පිහිටුවා තිබේ.
කෘෂිකර්ම අමාත්‍යාංශයේ දත්ත වලට අනුව, 2021-22 බෝග වර්ෂයේ ප්‍රධාන ප්‍රාන්තවල අධික උෂ්ණත්වය හේතුවෙන් තිරිඟු නිෂ්පාදනය ටොන් මිලියන 106.84 දක්වා පහත වැටී ඇත.
ඊට පෙර, 2020-21 වසර තුළ රට තිරිඟු නිෂ්පාදනය ටොන් මිලියන 109.59 ක වාර්තාගත අගයක් වාර්තා කර තිබිණි.
වර්තමාන කාලගුණික තත්ත්වයන් සහ වගාකරන භුමි ප්‍රමාණය වැඩි වීම හේතුවෙන් තිරිඟු බෝගයේ භෝග අපේක්ෂාව වඩා යහපත්වී ඇති බවත්, මේ වසරේ මුළු නිෂ්පාදනය ටොන් මිලියන 112 කට වඩා වැඩි වනු ඇතැයි ගණන් බලා ඇති බවත් වාර්තා සඳහන් කරයි.
තිරිඟු වැපිරීම ඔක්තෝබර් මාසයේ සිට ආරම්භ කර ඇති අතර අස්වැන්න නෙලීම මාර්තු/අප්‍රේල් සිට ආරම්භ වීමට නියමිතය.
නවතම දත්ත වලට අනුව, ගොවීන් 2022-23 බෝග වර්ෂයේ පළමු කන්නයේ ජනවාරි 6 දක්වා හෙක්ටයාර් ලක්ෂ 332.16 ක තිරිඟු වපුරා තිබේ. ඒ පසුගිය වසරේ එම කාලය තුළ වගා කල හෙක්ටයාර් ලක්ෂ 329.88 ට සාපේක්ෂවයි.
