ඇතැම් ගෑස් සමාගම් බාල ගෑස් මෙරටට ආනයනය කළ බව ලාෆ්ස් ගෑස් සමාගමේ සභාපති ඩබ්ලිව්.කේ.එච්. වෑගපිටිය මහතා සදහන් කරනවා.
ඒ සම්බන්ධ ලියකියවිලි ආනයන පාලකවරයා සතුව හා ශ්රී ලංකා රේගුව සතුව පවතින බවත්, අදාළ ගෑස් තොගයේ ප්රොපේන් සංයුතිය, බියුටේන් සංයුතිය වැනි දත්ත එමගින් දැනගත හැකි බවත් ඔහු පෙන්වා දෙනවා.
මේ වන විට මෙරට මෙතරම් ගෑස් අර්බුදයක් නිර්මානය වී ඇත්තේ ගෑස් සැපයුම්කරුවෙක් ඒකාධිකාරයක් ඇතිකරගැනීමට සිදුකරන ලද උත්සහයේ ප්රතිපලයක් ලෙස යැයි වෑගපිටිය මහතා පවසනවා.
මේ හේතුවෙන් වෙළෙඳපොළේ ලාෆ්ස් ගෑස් සමාගමේ කහපාට සිලින්ඩර ලාෆ්ස් ගෑස් සමාගමේ නියෝජිතයින් මිලදීගෙන රැගෙන ගොස් ඒවා නිල් පැහැයෙන් වර්ණ ගන්වා වෙළෙඳපොළට නිකුත් කරන ජාවාරමක් ක්රියාත්මක කරන බවද වෑගපිටිය මහතා සදහන් කරනවා.
මේ සම්බන්ධයෙන් වන වීඩියෝ හා ලියකියවිලි තමන් සතුව ඇති බැවින් ලිට්රෝ ගෑස් සභාපතිවරයාව දැනුවත් කළද ඔහු ඒ සම්බන්ධයෙන් කිසිදු ක්රියාමාර්ගයක් නොගත් බවයි වෑගපිටිය මහතා පෙන්වා දෙන්නේ.
ගෑස් බෙදාහැරීමට අවශ්ය යටිතල පහසුකම් ලාෆ් ගෑස් සමාගම සතු බවත් නියමිත පරිදි ණයවර ලිපි විවෘත කර දෙන්නේ නම් සති දෙකක් තුළ ශ්රී ලංකාවටම ගෑස් සැපයිය හැකි බවද ලිට්රෝ ගෑස් සමාගමේ සභාපතිවරයා වැඩිදුරටත් සදහන් කරනවා.