මෙවර ඉන්දියන් ප්රීමියර් ලීග් තරගාවලිය ඊයේ ආරම්භ වුණා.
පළමු තරගය පැවැත්වුණේ වත්මන් අයිපීඑල් ශූරයින් වන ගුජරාට් ටයිට්න්ස් සහ චෙන්නායි සුපර් කිංග්ස් අතරයි.
පළමුවෙන් පන්දුවට පහරදුන් චෙන්නායි කණ්ඩායම කඩුලු 7ක් දැවී ලකුණු 178ක් ලබා ගත්තා.
එහිදී සුපිරි පිතිහරඹයක නිරත වූ රිතුරාජ් ගේක්වාඩ් ලකුණු 92ක් ලබා ගත්තේ පන්දු 50කින්.
ඊට හයේ පහර නවයක් ඇතුළත් වුණා.
ඒ හැරෙන්නට සෙසු පිතිකරුවන්ගෙන් පුලුල් දායකත්වයක් ලැබුණේ නැහැ.
පන්දු යැවීමේදී මොහොමඩ් ෂාමි, රෂීඩ් ඛාන් සහ අල්සාරි ජෝසෆ් කඩුලු 2 බැගින් දවා ගත්තා.
පන්දු 36කින් ලකුණු 63ක් ලබා ගත් ෂුබ්නම් ගිල් ගුජරාට් කණ්ඩායමේ ජයග්රහණය තහවුරු කළා.
පන්දුවාර 19යි පන්දු 2 කදී කඩුලු 5ක් පමණක් දැවී ලකුණු 182ක් ලබා ගනිමින් වත්මන් ශූරයින් වන ගුජරාට් ටයිට්න්ස් තරගය ජය ගැනීමට සමත් වුණා.
පන්ජාබ් කිංග්ස් සහ කොල්කටා නයිට් රයිඩර්ස් අතර තරගය සහ ලක්නව් සුපර් ජයන්ට්ස් සහ දිල්ලි කැපිටල්ස් අතර තරගය අද පැවැත්වෙනවා.