පසුගිය අඟහරුවාදා දින ඉරාන තරුණ තරුණියන් පස් දෙනෙකු හිස් වැසුම් නොමැතිව නටන ආකාරය වීඩියෝගත කළ වීඩියෝ පටයක් නිසා, එරට සමාජය අතර දැඩි මතගැටුමක් නිර්මාණය වි තිබෙනවා.
මෙනිසා ඔවුන් අත්අඩංගුවට ගෙන ඇති අතර, සමාජ ක්රියාකාරීන් සඳහන් කරන්නේ අදාල කාන්තාවන් රඳවා තබාගෙන ඔවුන්ගේ ක්රියාවන් පිළිබඳව කනගාටුව ප්රකාශ කරන වීඩියෝවක් කිරීමට පරිපාලකයින් බල කර ඇති බවයි.
නයිජීරියානු Afrobeats ගායිකාවක් සහ රැප් ගායකයෙක් වන Rema විසින් ගායනා කරන ලද Calm Down ගීතයට ඉරානයේ ටෙහෙරාන් හි නේවාසික උස් ගොඩනැගිල්ලක් ඉදිරිපිට හිස් ආවරණ නොමැතිව මෙම තරුණියන් නර්තනය ඉදිරිපත් කර සමාජ මාධ්ය වෙත මුදා හැර තිබෙනවා.
පසුගිය සතියේ මාර්තු 8 වන දින ජාත්යන්තර කාන්තා දිනයේ දී මෙම වීඩියෝ පටය TikTok සහ අනෙකුත් සමාජ මාධ්ය නාලිකාවල දැඩිව සංසරණය වි තිබුණා.
අදාල ප්රදේශයේ ප්රදේශවාසින් මෙම වීඩියෝ පටය අනුව පසුතලය හදුනාගෙන එය බලදාරීන්ට දැනුම්දිමෙන් පසු පොලිසිය තරුණියන් පිළිබඳව ප්රදේශවාසීන්ගෙන් ද ප්රශ්න කර තිබෙන බව සඳහන්.
ඉස්ලාමීය නීතියට අනුව කාන්තාවන්ට ප්රසිද්ධියේ නර්තනයේ යෙදීම තහනම් අතර, හිස් ආවරණ නොපලදා සිටීම ද දඩුවම් ලැබිය හැකි වරදක්.
තත්වය එසේ පැවතියත්, ගීතය ගායනා කරනු ලබන ගායිකාව වන රෙමා “වඩාත් යහපත් ලොවක් වෙනුවෙන් සටන් වදින සුන්දර කාන්තාවන් සියල්ල වෙනුවෙන්. ඔබලා වෙනුවෙන් ගයනවා..” යනුවෙන් ට්විටර් සටහනක්ද දක්වා තිබෙන අතර ලොව පුරා නිදහස් මතධාරීන් රැසක් මෙම වීඩියෝව සම්බන්ධව ඉහල ප්රතිචාර දක්වා තිබෙනවා.