ඉරාන ජනාධිපති ඊබ්‍රාහිම් රයිසි මහතා මේ වන විට දිවයිනට පැමිණ තිබෙනවා.
ඉරාන ජනාධිපතිවරයා රැගත් ගුවන් යානය මීට සුළු මොහොතකට පෙර මත්තල ගුවන් තොටුපළ වෙත ළඟා වී තිබුණා.
ඉරාන ජනාධිපතිවරයාගේ ප්‍රධානත්වයෙන් උමා ඔය බහුකාර්ය සංවර්ධන ව්‍යාපෘතිය අද (24) නිල වශයෙන් ජනතා අයිතියට පත් කිරීමට නියමිතය.
මේ අතර, ඉරාන ජනාධිපතිවරයා පිළිගැනීමේ නිල උත්සවය අද පස්වරුවේදී කොළඹදී පැවැත්වීමට කටයුතු යොදා තිබෙනවා.
නිල පිළිගැනීමේ උත්සවයෙන් පසුව ඉරාන – ශ්‍රී ලංකා ජනාධිපතිවරුන්ගේ සහභාගීත්වයෙන් ද්වීපාර්ශ්වික ගිවිසුම් පහකට අත්සන් තැබීමට නියමිතයි.
විදේශ කටයුතු අමාත්‍යාංශය සඳහන් කළේ අනතුරුව රාජ්‍ය නායකයින් දෙදෙනා විශේෂ ප්‍රකාශයක් ද සිදුකිරීමට සැළසුම් කර ඇති බවයි.
