අයි.එස්. හෙවත් ඉස්ලාමික් ස්ටෙට් ත්‍රස්ත සංවිධානය ඔවුන්ගේ නව නායකයා ලෙස අබු හෆාස් අල් හෂීමි අල් කුරේෂි තෝරාගෙන තිබෙන බවට අයි.එස්. ත්‍රස්ත සංවිධානය නිවේදනය කරනවා.
විදෙස් මාධ්‍ය පවසන්නේ අයි.එස්. නායකයා ලෙස කටයුතු කළ අබු හුසේන් අල් හුසේනි අල් කුරේෂි සිරියාවේ ඉඩ්ලිබ් පළාතේ දී ඝාතනය වූ බවයි.
එම ඝාතනය කළේ තම බුද්ධි අංශ සහ හමුදාව යැයි තුර්කි ජනාධිපති රිජෙප් තායිප් එර්දොවාන් පවසා තිබෙන බව විදෙස් මාධ්‍ය පවසනවා.
අයි.එස්. ත්‍රස්ත සංවිධානය පවසා ඇත්තේ අබු හුසේන් අල් හුසේනි අල් කුරේෂි මියගියේ සිරියාවේ හයාත් තහ්රීර් අල් ෂාමාන් කැරැලිකරුවන් එල්ල කළ ප්‍රහාරයකින් බවයි.
හයාත් තහ්රීර් අල් ෂාමාන් යනු තුර්කි හමුදාවට හිතවත් සන්නද්ධ කණ්ඩායමක් බව සඳහන්.
