ඇෆ්ගනිස්තානයේ ක්රියාත්මක අයි. එස් කොරසාන් සටන්කාමීන් විසින් එරට වෙසෙන හසාරා ඇතුලු සුළු ජනකොටස් ඉලක්ක කර ප්රහාර එල්ල කරන බවට හියුමන් රයිට්ස් වොච් ආයතනය චෝදනා කරයි.
එම ආයතන පවසන්නේ ඉස්ලාම් දේවස්ථාන, පාසල් සහ සේවා ස්ථාන ඉලක්ක කර කොරසාන් සටන්කාමීන් එම ප්රහාර එල්ල කරන බවයි.
ඇෆ්ගනිස්තානයේ ක්රියාත්මක අයි.එස් සටන්කාමීන් විසින් එල්ල කරන මරාගෙන මැරෙන බෝම්බ ප්රහාර සහ අනෙකුත් ප්රහාර වලින් සුළු ජන කොටස් ආරක්ෂා කර ගැනීම සදහා ප්රමාණවත් ක්රියාමාර්ගය ගැනීමට තලේබාන් සංවිධානය අපෝසත් වී ඇති බවද හියුමන් රයිට්ස් වොච් ආයතනය පෙන්වා දෙයි.
අවදානම්කාරී අවස්ථා වලදී සුලු ජනකොටස් ආරක්ෂා කිරීමටත්, ප්රහාරවල වින්දිතයින් සහ ඔවුන්ගේ පවුල්වල සාමාජිකයින් ආරක්ෂා කිරීමටත් තලෙයිබාන් සංවිධානය බැදී සිටින බව ද හියුමන් රයිට්ස් වොච් ආයතනය පවසා ඇත.
ඉකුත් වසරේ අගෝස්තු මාසයේදී තලෙයිබාන් සංවිධානය ඇෆ්ගනිස්තානයේ පාලන බලය අල්ලා ගැනීමෙන් අනතුරුව මේ දක්වා කාලය තුළ අයි එස් සටන්කාමීන් විසින් හසාරා ප්රජාව ඉලක්ක කර ප්රහාර 13 ක් පමණ එල්ල කර ඇති අතර ඉන් මියගොස් සහ තුවාල ලබා ඇති පිරිස 700 කට අධික බව පැවසේ.