පකිස්තාන රජය එරට පාසල් තුළ අරාබි භාෂාව සහ කුරානය ඉගැන්වීම අනිවාර්ය කර තිබේ.
මීට අදාළ නීතිවලට පසුගියදා පකිස්තාන පාර්ලිමේන්තුවේ අනුමැතිය පළවු අතර ඒ අනුව අදාළ නීතිය වහාම ක්රියාත්මක කිරීමට නියමිතයි.
කෙසේවෙතත් මෙම තීරණය සම්බන්ධයෙන් පකිස්තානයේ සිවිල් ක්රියාකාරිකයන්, අධ්යාපනඥයන්, සිසුන් ඇතුලු පාර්ශව රැසක විරෝධය පළව තිබේ.
ඔවුන් සදහන් කර ඇත්තේ මෙම හදිසි තීරණය කොරෝනා වසංගතයෙන් පීඩා විදිමින් සිටින පකිස්තාන දරුවන්ට අමතර කරදරයක් බවයි.
කැමැත්ත අනුව ඉගෙනීමට අවස්ථාව ලබාදීම යෝග්ය වුවත් අරාබි බස සහ කුරානය ඉගැන්වීම අනිවාර්යය කිරීම අසාධාරණ මෙන්ම සහ අයිතීන් උල්ලංඝනයක් බවද එම පාර්ශව පෙන්වා දී තිබේ.
කෙසේවෙතත් එරට මාධ්ය වාර්තා කරන්නේ ආගමික කණ්ඩායම්වල බලපෑම් හේතුවෙන් මෙම තීරණය සම්බන්ධයෙන් විරෝධය පළ කිරීමට බොහෝ පාර්ශව බියෙන් පසුවන බවයි.
පකිස්තානයේ විවිධ භාෂා සහ මාධ්ය රැසකින් අධ්යාපනය ක්රියාත්මක වන අතර නව තීරණයත් සමග එහි ගුණාත්මක බව පහළ යනු ඇති බව ඇතැම් අධ්යාපනඥයෝ ප්රකාශ කරති.