චීනයේ ෂින්ජියෑන්ග් ප්‍රාන්තයේ උයිගුර් මුස්ලිම් සුලුතරයේ මානව හිමිකම් කඩවීම්වලට එරෙහිව එක්සත් ජාතීන්ගේ මානව හිමිකම් කවුන්සිලයට ඉදිරිපත් වූ යෝජනාවකට ඊශ්‍රායලයද අත්සන් තබා තිබේ.
කැනඩාව විසින් තවත් රටවල් 45 ක් සමග එක්ව ඉදිරිපත් කළ මෙම යෝජනාවට ඊශ්‍රායලය ද අත්සන් තබා ඇති බව විදෙස් මාධ්‍ය වාර්තා කරයි.
මෙය ඊශ්‍රායල විදේශ ප්‍රතිපත්තියේ හැරවුම් ලක්ෂයක් බවත් ඔවුන් ජිනීවාහි මෙවැනි මානව හිමිකම් යෝජනාවකට අත්සන් තැබූ ප්‍රථම අවස්ථාව මෙය බවත් සදහන් වේ.
චීනය සමග බොහෝදුරට සහයෝගයෙන් කටයුතු කරන ඊශ්‍රායලය මෙවැනි යෝජනාවකට සහය පළකිරීමද විමතියට කරුණක් බව විදෙස් මාධ්‍ය වාර්තාවල දැක්වේ.
එම වාර්තා වැඩිදුරටත් සදහන් කළේ ඇමරිකා එක්සත් ජනපදයේ සහ කැනඩාවේ දැඩි ඉල්ලීම් හේතුවෙන් චීනය විසින් මෙය සිදුනොකරන ලෙස ඉල්ලා සිටියදීත් ඊශ්‍රායලය මෙම යෝජනාවට අත්සන් තබා ඇති බවයි.
