ගාසා තීරයේ රෆා නගරයට ඊශ්‍රායලය දැවැන්ත ප්‍රහාර එල්ල කරමින් සිටින බවට පලස්තීන රතු කුරුස සංවිධානය පවසනවා.
විදෙස් මාධ්‍ය වාර්තා කළේ, ප්‍රහාර හමුවේ විශාල පිරිසක් මියගොස් ඇති බවයි.
නගර මධ්‍යයට ඊශ්‍රායල ගුවන් ප්‍රහාර විශාල සංඛ්‍යාවක් එල්ල වී ඇති බවද සඳහන් වනවා.
මිලියන 1.5ක ජනතාවක් මේ වන විට රෆා නගරයට එක්රැස් වී සිටින අතර, ඊශ්‍රායලය සැලසුම් කර ඇති ප්‍රහාරය සම්බන්ධයෙන් මීට පෙර රටවල් රැසක් අනතුරු අඟවා තිබුණා.
සිවිල් වැසියන්ගේ ආරක්ෂාව සහතික කිරීමට පියවර නොගෙන යුධ මෙහෙයුමක් සිදු නොකළ යුතු බවට අමෙරිකානු ජනාධිපති ජෝ බයිඩන් ද ඊශ්‍රායලයට දන්වා සිටියා.
