QR ක්‍රමවේදයෙන් බැහැරව ඉන්ධන නිකුත්කරන පිරවුම්හල් සම්බන්ධයෙන් අවශ්‍ය නීතිමය හා පරිපාලනමය තීරණ ගන්නා බවට විදුලි බල හා බලශක්ති අමාත්‍ය කංචන විජේසේකර මහතා උපදෙස් ලබාදී තිබෙනවා.
අමාත්‍යවරයා ඛනිජ තෙල් නීතිගත සංස්ථාවට උපදෙස් දී ඇත්තේ සියලුම ඉන්ධනහල් වෙත බෙදා හරින ලද ඉන්ධන ප්‍රමාණය සහ QR ක්‍රමවේදය භාවිතා කරමින් ඉන්ධන නිකුත්කිරීම පිළිබඳ දත්ත පරීක්ෂා කර අදාළ ක්‍රමවේදයෙන් බැහැරව ඉන්ධන නිකුත්කර ඇති පිරවුම්හල් සම්බන්ධයෙන් අවශ්‍ය නීතිමය පියවර ගන්නා ලෙසයි.
මීට අමතරව පසුගිය සතියේ දත්ත විශ්ලේෂණය කිරීමෙන් අනතුරුව ඉදිරි සතිය සඳහා ලබා දෙන ඉන්ධන කෝටාවේ සිදුකරන වෙනස්කම් පිළිබඳව අද දිනයේ (14) ප්‍රකාශයට පත්කරන බව විදුලිබල හා බලශක්ති අමාත්‍යංශය සඳහන් කරනවා.
