පවතින වාතාවරණය යටතේ මන්ත්රීවරුන් සඳහා වාහන ආනයනය කිරීම සුදුසු නොවන බව අමාත්ය කෙහෙළිය රඹුක්වැල්ල මහතා පවසනවා.
අද (01) රජයේ ප්රවෘත්ති දෙපාර්තුමේන්තුවේ පැවති අමාත්ය මණ්ඩල තීරණ දැනුම්දීමේ මාධ්ය හමුවේදී මාධ්යවේදියෙකු විසින් නවක මන්ත්රීවරුන් වෙනුවෙන් වාහන ආනයනය කිරීම සම්බන්ධයෙන් විමසූ විට අමාත්ය කෙහෙළිය රඹුක්වැල්ල මහතා මේ බව ප්රකාශ කර සිටියා.
අමාත්යවරයා වෙත යොමුවූ ගැටළුව වූයේ මෙම ගිවිසුම් අතරමගදී අවලංගු කළහොත් ශ්රී ලංකාව අසාධු ලේඛනගත වීමකට ලක්වන්නේද යන්නයි.
මෙහිදී පිළිතුරු ලබාදෙමින් අමාත්යවරයා ප්රකාශ කර සිටියේ මහබැංකුව, මුදල් අමාත්යංශය, මහා භාණ්ඩාගරය සහ අදාල බැංකුව එක්ව මෙය ගැටළුවකින් තොරව සමථයකට පත් කර ගැනීම සඳහා උත්සහ කරමින් සිටින බවයි.