සේවා ව්‍යවස්ථාවේ බඳවාගැනීමේ පටිපාටිය උල්ලංඝනය කරමින් විදුහල්පතිවරුන් හාරදහස් හයසීයක් පත්කිරීමට ගෙන ඇති කැබිනට් තීන්දුව ආණ්ඩුව සතියක් ඇතුලත හකුලා ගත යුතු යැයි ලංකා ගුරු සංගමය ඇතුළු ගුරු සංගම් ඒකාබද්ධව අවධාරණය කරයි.
ආණ්ඩුව දේශපාලන තීන්දුවක් ගනිමින් මෙසේ පත්වීම් දෙන්නට යන්නේ සිය හෙංචයියන්ට යැයි ද එය ආපසු හරවා නොගතහොත් දැඩි වෘත්තිය සමිති පියවරකට යෑමට ගුරුවරුන් කටයුතු කරන්නේ යැයි ද ලංකා ගුරු සංගමයේ ප්‍රධාන ලේකම් ජෝෂප් ස්ටාලින් මහතා ‘නිව්ස් 19’ ට පැවැසීය.
ආණ්ඩුව මෙවැනි තීන්දුවක් ගෙන තිබෙන්නේ ජාතික පාසල් 174ක විදුහල්පති පුරප්පාඩු සඳහා සම්මුඛ පරීක්ෂණ පවත්වා පත්වීම් නොදී තිබියදී යැයි කී හෙතෙම මෙය තනිකරම දේශපාලන තීන්දුවක් යැයි චෝදනා කළේය.
විදුහල්පති සේවයේ 1,2,3 ශ්‍රේණිවල පුරප්පාඩු 4600 ක් ඇති බවටත් ඒ සඳහා වැඩ බලන විදුහල්පතිවරු, රාජකාරි ආවරණය කරන විදුහල්පතිවරු සහ ගුරු සේවයේ සුදුසුකම් සම්පූර්ණ කරන ගුරුවරුන් පත්කිරීමට යෝජනා කරන බවටත් වශයෙන් වූ කැබිනට් පත්‍රිකාවක් පසුගියදා අනුමත කෙරිණි.
