ඉන්දියාවේ සංචාරයක නිරතව සිටින එක්සත් ජනපද ජාත්‍යන්තර සංවර්ධනය සඳහා වූ ඒජන්සියේ (USAID) ප්‍රධානී සමන්තා පවර් ගෝලීය කුසගින්න සමඟ සටන් කිරීමට ඉන්දියාවේ තීක්ෂ්ණ බුද්ධිය සහ නායකත්වය අත්‍යවශ්‍ය බව අවධාරණය කර තිබේ.
ගෝලීය ආහාර අර්බුදය මධ්‍යයේ USAID ප්‍රධානියා ජූලි 25-27 දක්වා ඉන්දියාවේ සංචාරයක නිරත විය.
එහිදී සමන්තා පවර් ඉන්දීය විදේශ කටයුතු අමාත්‍ය එස් ජයශංකර් හමුවී ඉන්දියාව-එක්සත් ජනපද හවුල්කාරිත්වය තවදුරටත් පුළුල් කිරීම පිළිබඳ අදහස් හුවමාරු කරගෙන තිබේ.
සමන්තා පවර් හමුවීමට ලැබීම ගැන සතුටු වන බවත් ආහාර, බලශක්ති සහ ණය අභියෝග තුළ ගෝලීය සංවර්ධන අපේක්ෂාවන් පිළිබද සාකච්ඡා පැවැත්වූ බවත් ජයශංකර් සදහන් කර ඇත.
ගෝලීය කුසගින්න සමඟ සටන් කිරීමට උපකාර කිරීම සඳහා ඉන්දියාවේ විශේෂඥතාව ලබා ගත හැකි ආකාරය සාකච්ඡා කිරීමට දිල්ලියේ විශේෂඥයින් හමුවූ බව සමන්තා පවර් එහිදී පැවසීය.
