දකුණු අප්රිකාවේ කේප්ටවුන්හිදී ජූනි 1 වැනිදා ආරම්භ වන බ්රික්ස් විදේශ අමාත්යවරුන්ගේ රැස්වීමට සමගාමීව විදේශ කටයුතු අමාත්ය එස් ජයශංකර් තුන්වැනි වරටත් චීන විදේශ අමාත්ය Qin Gang හමුවීමට නියමිතයි.
ද්විපාර්ශ්වික සබඳතා සාමාන්යකරණය කිරීම සඳහා දේශසීමාවේ සාමය සහ සන්සුන් භාවය සඳහා ඉන්දියාව කරන ඉල්ලීම නොවෙනස්ව ඇති පසුබිමක මෙම හමුව සිදුවනු ඇති.
මෙහිදී ෂැංහයි සහයෝගීතා සමුළුව සඳහා ජනාධිපති ෂී ජින්පිං ගේ ඉන්දීය සංචාරය පිළිබඳව ද අවධානය යොමු කරනු ඇතැයි පැවසේ.
බ්රික්ස් සමුලුවට සමගාමීව ජයිශංකර් රුසියානු විදේශ අමාත්ය සර්ජි ලැව්රොව් හමුවීමට ද අපේක්ෂා කෙරේ.
ෂැංහයි සහයෝගීතා සමුළුව වෙනුවෙන් රුසියානු ජනාධිපති ව්ලැඩිමීර් පුටින්ගේ ඉන්දීය සංචාරය සඳහා මෙය අඩිතාලම දමනු ඇති.
අගෝස්තු මාසයේදී දකුණු අප්රිකාවේ පැවැත්වෙන බ්රික්ස් රාජ්ය නායක සමුළුවේ න්යාය පත්රය සැකසීමට උපකාර වන බ්රික්ස් විදේශ අමාත්යවරුන්ගේ රැස්වීම ආහාර හා බලශක්ති සුරක්ෂිතතාව, ජාතික මුදල් වෙළඳාම සහ බහුපාර්ශ්වික ආයතන ප්රතිසංස්කරණ ඇතුළු ගෝලීය දකුණු ප්රමුඛතා කෙරෙහි අවධානය යොමු කරනු ඇතැයි අපේක්ෂා කෙරේ.