ද්විපාර්ශවික සහයෝගිතාවය පුලුල් කර ගැනීමට ඉන්දියාවේ සහ ජපානය තීරණය කර තිබෙනවා.
ඒ දෙරට අතර පැවැති 2 ප්ලස් 2 සාකච්ඡා වටයේදීයි.
ජපානයේ ටෝකියෝ අගනුවරදී පැවැති එම සාකච්ඡා වටය සදහා ජපානය වෙනුවෙන් එරට විදේශ කටයුතු අමාත්‍ය යොෂිමසා හයාෂි සහ ආරක්ෂක අමාත්‍ය යසුකසූ හමාදා සහභාගී වී තිබේ.
ඉන්දියාව නියෝජනය කරමින් විදේශ කටයුතු අමාත්‍ය ආචාර්ය එස් ජයශංකර් සහ ආරක්ෂක අමාත්‍ය රාජ්නාත් සිං ඊට සහභාගී වී ඇත.
එහිදී සමුද්‍රීය ආරක්ෂාව තර කිරීම සම්බන්ධයෙන් දෙපාර්ශවය එකගතා කිහිපයකට එළඹ ඇති බව විදෙස් මාධ්‍ය වාර්තා කර තිබේ.
ඒකාබද්ධ යුද අභයාස පුලුල් කිරීම හා ඉහල පෙළේ ආරක්ෂක සාකච්ඡා පැවැත්වීම ඒ අතර කැපී පෙනන බව සදහන් වේ.
ඉන්දියාව සහ ජපානය මෙලෙස සිය ද්විපාර්ශවික සබඳතා පුලුල් කර ගැනීමට තීරණය කර ඇත්තේ චීනය මුහුදු කලාප වෙත සිදු කරන මැදිහත්වීම් ඉහළ ගොස් ඇති පසුබිමක් තුළදී වීම විශේෂත්වයකි.
