අබාධයකට ලක්වූ එංගලන්ත කණ්ඩායමේ නිත්‍ය කඩුලු රකින ක්‍රීඩක සහ උපනායක ජොස් බට්ලර්ට ශ්‍රී ලංකාව සමග පැවැත්වෙන තෙවන T20 තරගය සහ තරග තුනකින් සමන්විත එක්දින තරගාවලිය අහිමිවන බව එරට ක්‍රිකට් පාලක මණ්ඩලය නිවේදනය කරනවා.
ශ්‍රී ලංකාව සමග පැවති පළමු T20 තරගයේදී ඔහුගේ දකුණු කලවා මාංශපේශියේ ආබාධයක් ඇති වුණා.
එම තරඟයේදී ඔහු නොදැවී ලකුණු 68ක් රැස්කිරීමටද සමත් වුණා.
ජොස් බට්ලර් ඊයේ MRI ස්කෑන් පරික්ෂාවකට ලක්ව ඇති අතර ඔහුගේ මාංශපේශිය සුලු වශයෙන් ඉරී ඇති බව එහිදී අනාවරණය වී තිබෙනවා.
ඊයේ පැවති දෙවන T20 තරගයටද ඔහු කුීඩා නොකළ අතර ඔහු වෙනුවට සෑම් බිලින්ග් කණ්ඩායමට කැඳවා තිබුණා.
එක්දින සංචිතය සඳහා ඩේවිඩ් මාලන් කැඳවනු ඇති.
ශ්‍රී ලංකාව සහ එංගලන්තය අතර තුන්වන T20 තරගය හෙට පැවැත්වෙන අතර එක්දින තරගාවලිය ජුනි 29 ආරම්භ වනවා.
